Pure Shahar ka mausam jo grey color mein badal chuka tha, wo ab normal hone laga tha. Suraj ki roshni se pura shahar chamak raha tha. Aur episode 2 ab puri tarah se khatam ho chuka tha.
Fir ek naya notification aaya. Sabne apne apne phones check kiye.
[Episode 2 finished by 'The Glitch' Team.]
[Remaining 4 episodes.]
Anurag ladhkharate hue kisi tarah khada hua aur usne Suraj, Aira, Tarun aur unki nayi friend Shreya ki taraf dekha. Unke chehron par 2nd episode mein jitne ki khushi jhalak rahi thi. Wo sab is game ke rule or system se nahi darte the. Unhone ek baar fir system ko hara dala. Lekin un sabki halat kafi kharab ho gayi thi. Sabke body mein koi koi na jakhm tha. Wo kaafi thakan mehsoos kar rahe the.
Sector 4 ke main factory mein sab kuchh bikhra hua tha. Spider ke lohe ka body jiske tukde tukde ho gaye the, wo sab zameen mein faila hua tha. Tabhi Shreya ne kaha, "humne is sector ka network to crash kar diya hai per iska matlab yah nahin ki yeh Shahar ab safe ho gaya hai. System ko pata lag gaya hai ki, hum uske liye kitne khatarnak hain. Wo ab kuchh naya or khatarnak plan banayega. Tabhi Anurag deewar se sahara lekar aage badhane ki koshish kar raha tha. Aira ki modified holy water se uske hath mein hone wale dard or jalan kafi kam ho chuke the.
Tabhi Anurag ne kaha, jab tak episode 3 shuru nahi ho jata humein thoda aaram kar lena chahiye. Kyuki agar hamare body mein taqat hi nahi rahegi to hum sab kamjor ho jayenge fir hum aage dushmano ka samna kaise karenge. Fir wo log factory ke andar hi ek bade kamre ke andar gaye, jahan bade bade drums the or jute ke bore bhi rakhe hue the. Wo log ek ek jute ka bora zameen par bichaya aur let gaye.
Abhi 10 min hi hue the ki unke phones par ek naya notification aaya. Wo sab uth kar baith gaye. Sabne apne apne phones check kiye. Is baar message white colour mein tha.
[Episode 3 is Starting from now.]
[Target Location: Pool (under the city park)]
[Lockdown remaining time: 2 Hours 5 minute]
[Countdown: 02: 04: 59... 02: 04: 58... 02: 04: 57]
Anurag ne kaha, system hamari physical ability ko limited karna chahti hai. Suraj aur Tarun, tum dono ki takat zameen par sabse behtar kaam karti hai. Lekin wahan paani mein tumhari movement toh slow ho jayegi. Tab Suraj ne kaha, system ne jaan bujh kar aisa plan banaya hai, taki hum kamjor par jaye. Yeh sab uska socha samjha sajish hai. Lekin hum kamjor nahi padenge. Hum ladenge puri takat lagakar jaise Anurag ne lada tha episode 2 mein.
Tabhi Shreya ki nazar samne diwar par padi. Wahan ek purana dhul se bhara map board laga hua tha. Wo uth kar us map ko saaf ki aur dhyan se dekhi aur apne baaki doston ko batane lagi, " Route 07... yeh shahar ki sabse purani jagah hai jo 11 saal pehle pollution ki wajah se band kar di gayi thi aur wahan ka drainage system bhi pura barbad ho chuka hai. Agar system ne wahan kisi electrician boss ko rakha hai, toh pani ke andar bijli ka jhatka bhi lagega. Tabhi Suraj apne lohe jaise sakht haathon ko dekha or bola, humein darr kar time waste karne ke bajay wahan ke liye nikalna chahiye. Hamare paas jyada waqt nahi hai, sirf 2 ghante hain. Agar lockdown lag jayega, toh wahan ka main entry gate band ho jayega. Aur hum andar nahi ja sakenge.
Wolog factory se bahar nikal gaye. Aur shahar ke sabse sunsan area ki taraf jane lage. Shahar ke log abhi bhi normal zindagi ji rahe the.
Lekin unke hathon mein phones unki activity ko track kar rahe the. Glitch Team ko ye feel ho gaya tha ki unka location system track kar raha hai. Lagbhag ek ghante travel karne ke baad, wo log Route 07 ke main entrance gate tak pahunch gaya. yeh ek purana jang laga hua gate tha, jo pedh paudhon aur jhariyon se dhaka hua tha. Aur gate ke right side mein ek board 'DANGER' laga hua tha. Aur gate par ek bada sa lock laga hua tha.
Shreya ne apne bag se mechanical wrench ko nikala or aage badhkar gate ke lock ko shockwave se tod diya. Jaise hi unhone gate khola, andar se thandi hawa ka jhonka bahar aaya. Fir unhein samne seedhiyan nazar aayi. Wo log seedhiyon se upar chadhne lage. Seedhiyon ke niche itna andhera tha ki unko niche kuchh bhi dikhayi nahi de raha tha. Tabhi Anurag ne apna Ghost Eye ko nikala or active kiya. Use niche sirf paani nazar aaya. Wo or bhi dhyan se dekhne laga, paani mein chote chote electric current daud raha tha.
Tabhi Anurag ne apna hath aage badhate hue kaha, dhyan se. Paani mein kahin kahin current daud raha hai. Humein har ek kadam dhyan se rakhna hoga. Shreya, tum mere pichhe raho or jaise hi main kisi electrical core ko spot karu, tum use suppress kar dena. Unhone paani ke andar pair rakha. Pani bohot thanda tha. Jaise hi wo aage badhne lage, unke pichhe pani mein ajib si halchal machi. Aisa laga jaise ki koi bohot badi janwar pani mein tairte hue unki taraf tezi se ja rahi ho.
Shreya ne chillakar kaha, "wo pani ke andar hai, aur bohot speed se hamari taraf aa raha hai." Usne apne wrench ko zor se pakad liya, lekin pani mein khade rehne ki wajah se uski wrench ki power thodi kam ho gayi thi. Tabhi Anurag ne Ghost Eye ko active kiya. Paani ke andar ek bohot bada, lagbhag 10 feet lamba alligator dikha. Jiska body bhari lohe se bana hua tha. Aur uski peeth par sensor laga hua tha, jisse woh pani mein bilkul invisible ho jata hai. Normal log use dekh nahi sakte the.
Anurag ne Suraj aur Tarun se kaha, yeh ek electrical alligator hai. Yeh paani mein bilkul invisible ho jata hai, lekin meri Ghost eye ise dekh sakti hai. Yeh tumhare right side se aa raha hai. Jaise hi Suraj pichhe mud kar use dekhne ki koshish kiya, waise hi alligator ne pani ke andar se ek bhayanak electrical wave chhod di.