Jab woh paancho hospital se bahar nikle, toh subah ki dhoop nikal chuki thi. Shreya, Aira ke sahare chal rahi thi. Uske wrench ki khoyi hui chamak unhein ehsas kara rahi thi ki har jeet ki ek bhari keemat chukani padti hai.
Anurag apne phone ki screen par dekha. Screen par code lagatar glitch kar rahe the, jaise system khud ko crash hone se bachane ke liye apni aakhri koshish kar raha ho.
[ System status 76% corrupted by' The Glitch'.]
[Episode 5 started ]
[Location: The Grid Room]
[Rule: yahan ki zameen aur deewarein har 5 minute main apne aap gayab hone lagega.]
Tabhi Tarun puchne laga, rasta gayab hona? Iska kya matlab hai?
Aira apne phone ki screen ko dekhte hue boli, iska matlab Joya ab sirf gravity se nahi khel rahi hai. Woh is poore raaste ko hi computer se delete kar rahi hai. Agar hum jaldi jaldi aage nahi badhe, toh jahan par hum khade hain, wo zameen hi achanak gayab ho jayegi aur hum sidhe niche gehre gaddhe mein gir jayenge. Tabhi achanak poore kamre mein red lights jalne lagi. Upar chhat par lage hue chhote chhote cameras unki taraf ghumne laga. Room ke kone se achanak diwarein khisakne lagi aur aage ka raasta band hone laga tha. Anurag ne zameen par dekha. Farsh dhire dhire gayab hone laga. Aur wahan gehra gadhha dikhne laga.
Tabhi Anurag chillaya, bhago sab log. Tarun diwar pakad kar aage kuda, lekin usi waqt uska pair fisal gaya. Farsh ka jo hissa gayab ho raha tha, Tarun usi ke kinare par latak gaya. Usne chillaya, Aira! Anurag! Mujhe bachao. Uske niche se zameen gayab ho chuka tha aur niche sirf electric wires aur current nazar aa raha tha. Anurag pichhe mudkar dekha, lekin uski right eye mein achanak bohot tez dard hua. Uski aankh se khoon nikalne laga. Computer ka load ab uske dimag par asar kar raha tha. Lekin fir bhi usne apna zakhmi hath aage badhaya aur Tarun ka hath kaskar pakad liya.
Anurag ne dard bhare awaz mein kaha, Tarun, hath mat chhodna. Hum yahan kisi ko bhi marne nahi denge.
Tarun ka hath dhire dhire fisal raha tha. Tabhi achanak Anurag ki aankh ke samne ek blue light chamki. Uski Ghost Eye is jordar dard ke wajah se poori tarah active ho chuki thi.
Anurag ko farsh ke niche chal rahi halchal saaf dikhayi dene lagi. Gayab hote farsh aur bijli ke wires ke piche, gaddhe mein ek bohot bada, mashin tezi se ghum rahi thi. Us mashin se blue energy nikal rahi thi. Wahi is poore lab aur khatarnak gravity system ko chalane wala core reactor tha. Farsh ke tutne ke wajah se us reactor ka protective barrier tut chuka tha aur uska sabse weak point Anurag ki Ghost Eye ke nishane mein tha.
Anurag samajh gaya tha ki jab tak reactor destroy nahi hoga, tab tak farsh gayab hona nahi rukega aur na hi wo log jinda bach sakenge. Unke paas jyada waqt nahi tha. Anurag ne apne jakhmi hath ki aakhri taqat lagakar jor se Tarun ko upar ki taraf khincha. Tarun safely farsh par gir gaya, lekin girte waqt jordar khinchav ke wajah se uske hath mein jakhm ho gaya.
Tarun ko bachane ke liye Anurag apna poora energy laga diya tha, jiske wajah se woh khud kamjor pad gaya aur wo khud gaddhe mein girne laga. Niche girte waqt uska dimag turant active hua aur usne apni Blood Dagger ko pocket se nikala. Fir usne hawa mein ghumte hue Dagger ko zor se core reactor ke center par maara.
Anurag ki Blood Dagger jaise hi us ghumte hue core reactor ke andar ghusi, ek jordar dhamaka hua. Poore kamre mein golden aur blue light phail gayi. Bhari gravity. ka dabav ek jhatke mein khatam ho gaya or gayab hue farsh wapas aa gaye. Anurag zameen par ja gira. Ab kuchh normal ho gaya tha.
Tarun ne apne zakhmi kandhe ko pakad kar kaha, Anurag... hum bach to gaye hain, lekin ab aage kaise jayenge?
Tabhi Anurag ke phone mein Joya ka video call aaya: usne thandi aawaz mein kaha, Anurag... tumne kya socha tha ki reactor ko todte hi tum jeet jaoge? Tumne zaroor system ko 76% kharab kar diya hai, lekin abhi bhi tum is floor par fase hue ho. Agla gate kholne ke liye tumhein mere ek aakhri pehredar ko harana hoga.
[Objective: Defeat the guard to unlock the exit gate.]
Lab ke ghumte hue dhuen ke bich mein se ek bohot bada, lohe ka robot nikal kar aaya. Uske ek hath mein badi kulhari thi jismein se current nikal raha tha aur uski aankhein laal rang ki chamak rahi thi. Wo dheere dheere Anurag aur baki doston ki taraf jane laga.
Anurag ne ladkarate hue apni Blood Dagger ko pocket se nikala. Uska hath pehle se jakhmi tha aur khoon bah raha tha. Lekin uski right eye Ghost Eye abhi bhi chamak rahi thi, jo use robot ke andar chal rahe high voltage wires ko dikha rahi thi.
Usne chillakar, Suraj, Tarun, Aira... tum log pichhe hato. Iska samna main akele karunga.
Suraj ne jab dekha ki Anurag ka hath pahle se jakhmi hai aur usmein se lagatar khoon beh raha hai, toh usse raha nahi gaya aur wo aage badha. Usne bola Anurag tum akele sab kuchh nahi kar sakoge. Jab tak tumhara ye bhai jinda hai, tab tak koi robot tum tak nahi pahunch sakta.
Usne apni dono mutthiyon ko bandh liya. Uske hathon par jo kala loha dhundhla ho gaya tha, gusse ki wajah se wo fir se gehra aur chamakdar hone laga tha. Usne apne lohe ke hathon ko aapas mein takraya. Ek bhayanak aawaz poore lab mein gunj gayi.
Samne se wo robot tezi se aage badha. Uske hath ki bijli wali kulhadi hawa mein ghoom rahi thi, jisse niche zameen par lagatar sparks gir rahe the. Robot ne bina ruke apni puri takat se kulhadi ko jor se Suraj par maara.