Anurag gambhir hokar sabki taraf dekha aur bola, " yeh hamari sabse badi kamzori hai. Kyunki Suraj aur Tarun jab waar karta hai usme aawaz hoti hai. Lekin is episode mein wo dono dhang se attack nahi kar sakega. Humein poori tarah chhip kar aur shant tarike se attack karna hoga."
Tabhi Aira ne apne bag ke andar jhanka. Uska bag khali tha. Usne kaha, "ab mere paas koi modified liquid nahi bacha hai. Agar hum mein se kisi ko hospital ke andar chot lagi, toh bina aawaz kiye dard jhelna padega."
Fir wo log Sector 7 ki taraf jane lage. Wo log ab Sector 7 pahunch chuke the. Shahar ka yeh jagah poori tarah sunsan aur bhootiya khandar jaisa tha. Saalon purane bade bade buildings the aur un par kaai jami hui thi. Yahan ke sare buildings ek hi tarah ke design ke bane the. Isliye unhein samajh nahi aa raha tha ki inme se kis building ke andar jana hai. Unhone charon taraf dekha, fir unhein ek jang laga hua bada sa board dikhayi diya jisme likha tha Blackwood Memorial Hospital. Wo hospital paanch manzila ka tha. Aur main entrance par lohe ka ek bhari rolling gate tha jo adha khula hua tha.
Unhone bilkul chup chap, bina kisi aawaz kiye hospital ke andar kadam rakha. Hospital ke andar ka nazara kisi bhootiya jagah jaisa lag raha tha. Khidkiyon ke shishe toote hue the aur kamre ke andar bahut andhera tha. Jaise hi wo hospital ke main hall mein pahunche, wahan ka sannata dekh kar un sabka dimag sunn ho gaya. Wahan zameen par purane stretchers, dawaiyon ki khali bottles bikhre hue the. Hall ke samne wale deewar par ek purana clock laga hua tha, jo ki achanak se chalne laga. Tick... Tick... Tick...
Us tick tick ki aawaz bhi is bhayanak sannata mein kisi bomb ke fatne jaisi lag rahi thi. Tabhi unke phones ek sath vibrated hue:
[Warning: Agar 'Screaming Stalker' aawaz nikala, toh sabke kaan ke parde fat jayenge.]
Anurag ne turant apni Ghost Eye ko active kiya. Is silent area mein uski aankh ka naya feature kaam aaya. Usne dekha ki hospital ke corridor ke andhere se ek bohot lamba, patla aur ajeeb janwar dheere dheere unki taraf aa raha tha. Uske chehre par koi aankh ya naak nahi thi, balki ek bada sa speaker laga hua tha jismein se red color ki waves nikal rahi thi. Uske hathon ki jagah surgical blades lage hue the. Wo creature dekh toh nahi sakta tha, lekin aawaz sun sakta tha.
Anurag ne sabko hath se rukne ka ishara kiya. Usne apni Blood Dagger ko dheere se pocket se nikala. Lekin tabhi, Tarun ka pair zameen par pade ek khali injection ki bottle par pad gaya. Us shishe ki tutne ki aawaz pure hall mein goonj gayi.
[Warning: Noise Detected]
Aawaz hote hi, andhere corridor mein khada The Screaming Stalker. , . . ka mechanical speaker chehra tezi se ghumne laga. Uske surgical blade jaise haath hawa mein sarsaraya aur wo bina kisi aawaz kiye, ek saye ki tarah tezi se Tarun ki taraf badhne laga. Uske chalne ki aawaz bilkul dhimi thi.
Anurag ne apna Ghost Eye ka istemal kiya. Usne dekha ki creature ki body lohe jaisi hard thi, lekin uske chehre ke speaker ke center mein ek communication reciever module tha. . . . Agar use abhi band nahi kiya gaya, toh wo creature ek aisi high frequency. . . . . sound nikalega jisse un sabhi ke kaan ka parda phat jayega.
Anurag ne Tarun ko bachane ke liye haath se ishara kiya aur khud bina kisi aawaz ke chalang lagayi aur use dhakka dekar niche gira diya. Fir dono bilkul chup chap zameen par slide karte hue creature ke samne se nikal gaya. Uske surgical blades hawa mein ghumne lage, lekin aawaz band hote hi wo phir se ruk gaya aur apne speaker ko ghumakar sound dhoondhne laga.
Tabhi Anurag apni Blood Dagger ko hawa mein uthaya. Dagger ka blade is silent area mein bilkul khamosh tha, lekin usme se nikalne wali energy saaf saaf mehsoos ho rahi thi. Usne creature ke ek surgical arm ke jod par waar kiya. Red light ka ek chota sa spark nikla bina kisi awaz ke. Blood Dagger ke touch hote hi creature ka wo hath do second ke liye freeze ho gaya. Fir Anurag pichhe mudkar Shreya ki taraf dekha aur bilkul dhire, whisper karte hue bola, "Shreya... control room. Ise audio signal wahin se mil raha hai.
Ise shut down karo, nahi toh hum sab mare jayenge."
Shreya ne sir hilaya. Usne apne mechanical wrench ko apni jacket ke andar chhupa liya tha taki lohe ke takrane ki aawaz na ho. Fir uski nazar hall ke kone mein padi jahan ek direction board laga hua tha. Usne use dhyan se dekha, usme Main Control Room ka direction likha tha. Shreya ne bina aawaz kiye hothon ko hilate hue ishara kiya, Suraj, Tarun... tumlog mere sath aao.
Wo teeno bilkul dabe kadmo se, stretchers aur toote hue lohe ke pipes se bachte hue basement ki seedhiyon ki taraf badhne lage. Seedhiyon par kafi andhera tha aur diwaron se pani tapakne ki halki halki tip tip awaz aa rahi thi. Unhein har ek kadam itni hoshiyari se rakhna pad raha tha jaise wo kisi bomb par chal rahe hon.
Shreya jab basement ke main control room ke samne pahunchi, toh wahan ka darwaza lohe ka ek bhari biometric panel. . . . . se block tha. Tabhi Shreya ne apne wrench ko nikala aur use panel. . . ke exact wiring slot ke andar ghusa diya. Usne apni jism ki bachi kuchi energy ko wrench ke through panel mein bheja.
Panel bina kisi alarm ke, dhire se unlock ho gaya. Shreya ne darwaza ko dhire se push kiya aur wo teeno andar ghuse. Control room ke andar par bade bade computers the, jin par red aur green LED lights chamak rahi thi. Inhi servers se pure Hospital ke audio network ko chalaya ja raha tha. Unhone dekha ki samne deewar par ek bada screen tha jahan Anurag aur Aira ka current sound waves chal raha tha.