"Anurag... tumne toh mujhe sach mein hairan kar diya hai," Tumne alligator ko maar diya, aur tumhare dost us bhari lohe ke gate ko bhi tod diya. Lekin ab episode 3 ka last countdown hone ja raha hai, jaise hi countdown zero tak pahunchega, yeh electric core pure Route 07 ke paani mein high volts ka current chhod dega. Tum sab yahin ubal kar mar jaoge."
Anurag ne phone on kiya or dekha... 00: 01: 21 (sirf 1 minute 21 second bache hue the).
Fir Joya ne hanste hue aage kaha, "aur Haan... Is core ka protective barrier sirf tabhi tut sakta hai jab isme, tum me se koi apna khoon bahayega. Yeh system ka ek chhota sa rule hai. Ab dekhte hain ki tum main se kon apni jaan dene ke liye taiyar hota hai."
[Countdown: 01: 20... 01: 19... 01: 18]
Sare speakers band ho gaye aur electric core ke charon taraf ek bhayanak electrical barrier taiyar ho gayi. Room ke floor par bhara hua pani ab dheere dheere garm hone laga tha aur usme se dhuan nikalne laga tha. Current dhire dhire pani mein phail raha tha. Tabni Anurag ne apni Dagger ki taraf dekha. Fir usne Shreya, Aira, Suraj or Tarun ki taraf dekha. Un sab ne is ladai mein apni jaan ki baji lagayi thi. Fir Anurag ne dhire se muskura kar kaha, "Mera khoon", system ko 'The Glitch' ka khoon chahiye... ab use wahi milega.
Jaise hi Aira ne dekha ki Anurag apne Blood Dagger ko apne hath pe tika raha hai usne turant chillakar pucha, Anurag! Tum kya karne ja rahe ho?
Anurag ne muskura kar kaha, "Joya ne kaha na... is system ko todne ke liye kisi ka khoon chahiye. Isliye mai wahi kar raha hu. Fir usne aage kaha, system humein keeda samajhta hai, lekin use yeh nahi pata ki jab ek keeda glitch ban jata hai, toh wo pure system ko corrupt kar deta hai." Tabhi Aira fir se chillayi, Anurag tum pagal ho gaye ho kya. Fir wo uski taraf jane ki koshish ki, lekin paani me maujud current ne use aage badhne nahi diya. Fir Aira boli, Anurag tum apne hi body par cut mat lagao. System tumhare dimag ke sath khel raha hai.
Anurag ne kaha, "nahi Aira, jab tak system ko hamara khoon nahi milega, yeh protective barrier nahi tutega. Uska dimag bilkul clear tha. Usne bina time waste kiye turant apni baayein hath par dagger chalaya. Uske hath se khoon tezi se nikalne laga. Khoon nikal kar garm pani mein girne laga. Lekin Anurag wahan ruka nahi. Wo aage badha aur electric core ke barrier par apna hath rakh diya.
Hazaron volt ka current ek jatke mein Anurag ke jism ke andar daud gaya. Current itni zordar thi ki uski aankhein puri tarah safed ho gayi, uske muh se aawaz bhi nikal nahi pa rahi thi, aur uske body se dhuan nikalne laga tha. Lekin Anurag mara nahi. Agar uski jagah par koi normal insaan hota to ek hi second mein mar jata, lekin Anurag koi aam user to tha nahi. Wo 'The Glitch' tha.
System ka computer code Anurag ke khoon aur uski Glitch energy ko pehchan liya tha, jiski wajah se system ka electric core crash hone laga.
Electric core barrier ek dhamake ke sath tut gaya aur hawa mein bikhar gaya. Anurag jhatke se piche ja gira. Uska pura body current ki wajah se jhulas gaya tha aur wo behosh hone wala tha. Aira aur Shreya, Anurag ki halat dekh kar rone lagi thi. Fir Shreya ne rote hue kaha, Suraj! Tarun! Wires ko todo jaldi. Aur usne khud aage badhkar apne mechanical wrench ko reactor tank par de maara. Achanak Short circuit hua or reactor tank crash ho gaya.
Suraj aur Tarun ne apni bachi kuchi taqat ko ikattha kiya aur reactor se jude wires ko jadd se ukhad diya. Ek bhayanak blast hua. Paani ke andar ka current puri tarah khatam ho gaya. Pure Route 07 ki light wapas aa gayi. Sare gates khul gaye. Pure area me roshni fail gayi. Aur episode 3 puri tarah crash ho chuka tha.
Tabhi Aira daudte hue Anurag ke paas pahunchi. Uska body bohot garm tha, lekin uski saanse abhi bhi chal rahi thi. Aira ne turant uski hath mein patti bandhi or apne bache hue healing power ka istemal kiya, jisse Anurag ki dard thodi kam hui aur uski aankhein dhire dhire khulne lagi.
Anurag zameen par leta apne doston ke taraf dekha or ladhkharate hothon se bola, humne kar dikhaya. Unki team ne is game ke teesre boss ko bhi khatm kar diya tha. Wo ab aam survivors nahi the, wo log ab is system ke liye sabse bada khatra ban chuke the. Tabhi Tarun aur Suraj ne milkar Anurag ko uthaya. Anurag thodi der ke liye uth kar baith gaya aur apne doston se batein karne laga ki aage jo episodes baki hain wo or bui jyada khatarnak ho sakta hai. Humein isi tarah hoshiyar rehna hoga. Fir wo kisi tarah sahara lekar khada hua. Aur wo log Route 07 se bahar nikle, un sabki body thakan aur jakhmo se choor ho gaya tha. Anurag ne apne baayein hath ki patti ko zor se kasa. Uski right eye ab halka glow kar raha tha.
Shahar ka mausam ab badal raha tha. Dopahar ke waqt bhi asman laal rang mein badal raha tha. Hawa mein ek ajib si lohe ki jalne ki smell thi. Fir ek naya notification aaya. Sabne us notification ko dekha.
[Episode 4 begins]
[Location: The Silent Ward ( ward no .45)]
[Target Location : sector 7]