Tabhi Aira andhere mein zor se chillate hue boli, Tarun! Suraj! Anurag abhi tak pani se upar nahi aaya hai. Kuch karo. Mere paas ab koi modified liquid nahi bacha hai, jisse mein roshni kar saku. Aira ki aawaz sun kar Suraj ne gehri saans li. Woh mehsoos kiya ki pani ke andar uski lohe ke hath or bhi jyada mazboot ho raha hai. Fir wo Tarun se kaha, "Tarun! tum Shreya ko sambhalo. Main niche Anurag ki madad karne ja raha hu.
Suraj ne bina der kiye turant dubki lagayi. Andhere mein pani ke andar use kuchh bhi nahi dikh raha tha. Tab usne apne physical strength aur bache hue iron senses ka use kiya. Fir wo pani ke andar hone wali halchal ko mehsoos karne laga. Use halka halka mehsoos hua ki alligator pani ki gehrai mein hai. Wo turant tairte hue sidhe alligator ki taraf jane laga. Niche gehre pani mein, Anurag ka body bilkul dhila pad gaya tha. Uske body mein taqat nahi bachi thi, aur wo alligator use chhod bhi nahi raha tha. Lekin tabhi, use andhere mein do kaale hath uski taraf aate hue dikhayi diya.
Tabhi Suraj tezi se aaya or alligator ke bhari lohe ke tail ko zor se pakad liya. Alligator ka dhyan Anurag par se hat gaya. Suraj ne apni poori taqat se alligator ko pani ke upar khinchne laga. Alligator ko upar le jakar usne, alligator ko ek jhatke mein paani se bahar nikal kar control room ke lohe ke gate par de mara. Jaise hi Alligator gate se takraya, waise hi ek bhayanak aawaz aayi. Alligator ka lohe ka tail crack ho gaya. Or uske khopdi ke andar jo laal pathtar tha wo or bhi jyada dark red shine karne laga, jisse wo pathar highlight hone laga.
Anurag ne uske khopdi ki taraf dekha aur turant paani se bahar nikal kar us alligator ke paas pahunch gaya. Usne apne right hand mein Blood Dagger ko liya aur hawa mein uthaya. Dagger ka blade andhere mein bilkul blue laser jaisa chamak raha tha. Usne Dagger ko alligator ki khopdi ke upar zor se fenka. Dagger alligator ke khopdi mein jake dhas gaya. Aur uska lohe jism 2 second ke liye freeze ho gaya. Tabhi Anurag uski khopdi ko chirte hue Blood Dagger ko nikala. Wo laal pathtar chud chud ho gaya tha. Alligator ka main core hi khatam ho gaya or wo niche zameen par gir gaya.
Anurag thak kar ghutno ke bal baith gaya. Tab Suraj uske paas aaya aur uske kandhe par hath rakhte hue bola, "humne is khatam kar diya, Anurag."
"Nahi," Shreya ne control room ke darwaje se ladhkharate hue bahar nikal kar kaha. Uske hath mein uska wrench tha jo abhi bhi halki sparks chhod raha tha. Fir usne haanpte hue bola, "humne toh sirf guard ko mara hai. Is Route 07 ka asli boss, abhi baki hai, jo control room ke center mein baitha hua hai. Aur usne andar jane ka rasta bhi lock kar rakha hai." Tab Aira, Suraj, Tarun, Anurag aur ikatthe hue.
Unhone apne phones ko check kiya. Countdown ab aakhri 00: 15: 00 par chal raha tha. Agar wolog agle 15 minute mein control room ke center tak nahi pahunche, toh ye pure area mein lockdown lag jayega. Tabhi Anurag ne kaha, humare paas sirf or sirf 14 min bacha hai. Suraj, Tarun... tum dono aage chalo. Humein raaste mein aane wale emergency gates ko chirte hue nikalne hoga.
Suraj ne apni gardan ghumayi, uski haddiyon se chatar chatar awaz aayi. Fir usne kaha, "Tarun! Tum mere sath chalo. Shreya or Aira, tum dono hamare piche piche aao."
Control room ke center ka gate lock tha, jiske wajah se unhein dusre raste se jana hoga. Shreya ne unhein secret tunnel ke bare mein bataya. Wo sabhi wahan secret tunnel ke andar chale gaye. Surang ke andar paani tha, jo unki pairon se touch ho raha tha. Lekin us surang mein paani ke wajah se gandagi ho gayi thi, jiske wajah se unke pair fisal rahe the aur chalna bahut mushkil ho raha tha. Surang ke aakhri point par ek bohot bada, lohe ka emergency sliding gate band ho raha tha. Yeh system ka automatic lockdown protocol tha.
Tabhi Aira ne pichhe se chillakar kaha, wo gate toh band ho raha hai. Darwaja band hone hi wala tha ki Tarun tezi se daudte hue darwaze ke paas gaya or darwaja or diwar ke beech khada ho gaya. Darwaja uski peeth ko zor se daba raha tha. Usne kehrate hue Suraj se kaha, jaldi karo! Main ise jyada ser tak rok nahi sakunga...
Suraj turant hawa mein chalang lagate hue aaya or puri taqat se gate ko se dhakka mara. Gate zar se ukhad kar niche gir gaya. Ek zordar aawaz aayi.
Tab wo log pichle darwaje se control room ke mein dakhil hue. Wahan ek or room tha center par, lekin us room ko koi bahar se dekhega toh pata hi nahi chalega ki andar koi room hai. Us room ke charon taraf se book rakhe hue the. Aisa lag raha tha jaise library mein aaye hon. Tabhi unhone books ko hatakar dekhne lage kahin koi surakh to hoga. Tabhi Aira ko ek flower pot ke pichhe chipa ek surakh nazar aaya. Usne Anurag se kaha, usne Ghost Eye se chhote se surakh mein jhanka.
Uski Ghost Eye ko control room ke andar daud rahi energy saaf saaf dikh rahi thi. Wahan charon taraf diwaron mein bade bade computers lage hue the, lekin un sab ke bich mein ek ajib sa tank tha. Ek bohot bada, cylindrical reactor tank tha jisme hazaron ghumte hue wires the. Reactor ke exact center mein ek sunheri yellow color ki digital core chamak raha tha, jo kisi insaan ke dil ki taraf tezi se blink kar raha tha. Wahi tha electric core.
Control room ke sare computer mein Joya ki photo maujud thi. Jo is baar coffee ka mug pakde hue thi aur uske chehre par bohot jyada sukoon dikh raha tha. Tabhi speakers se aawaz aayi...