Yeh raha main sound breaker. Shreya ne ek bade lohe ke handle ki taraf ishara karte hue kaha. Agar maine ise khincha, toh pure Sector ka sound restrictions aur speaker system crash ho jayega. Lekin jaise hi wo aage badhe, achanak Joya ki aawaz aayi. Lekin si baar awaz bilkul halki thi. Usne kaha, Shreya... tum sach mein ek hoshiyar mechanic ho. Lekin tumne jo socha ki sound breaker ko khinchte hi system crash ho jayega, yeh tumhari bhool hai. Fir turant Joya ki aawaz band ho gayi.
Tabhi Suraj Shreya ke bagal mein jake screen par dekhne laga. Screen par ek naya restriction rule chamak raha tha:
[Physical strength doesn't work, it needs high mechanical power. ]
Mechanical power? Tarun ne whisper kiya. Iska kya matlab hai?
Shreya ne bataya, iska matlab yeh hai ki is handle ko khinchne ke liye kisi force ya normal physical strength ki zarurat nahi hai. Isme itni zyada mechanical power chahiye jo is server ko tod sake. Fir usne Suraj se kaha, Suraj... iske liye tumhara lohe ke hathon ki zarurat padegi. Lekin jaise hi tum is par mukka maroge, ek zordar aawaz aayegi. Aur System ka rule kehta hai ki koi bhi aawaz Screaming Stalker ko sunayi diya to woh zor se chillane lagega... jisse Anurag aur Aira ke kaan ke parde fat jayenge.
Suraj ne apne dono hathon ki taraf dekha jo dhire dhire kale lohe mein badal raha tha. Usne kaha, agar maine mukka nahi mara to Anurag upar akele us creature se kab tak ladega?
Tab Shreya apne wrench ko server ke main power line se connect ki aur boli, main ek kaam kar sakti hun. Mai apne wrench se poore control room mein ek auto reverse system taiyar karungi, jo yahan hone wali aawaz ko 3 second ke liye block kar degi. Lekin un 3 seconds ke andar hi tumhein server ko poori tarah se barbad karna hoga. Agar ek second ke liye bhi der ho gaya, toh aawaz upar pahunch jayegi. Fir usne ghabrate hue kaha, lekin isme ek problem hai.
Tarun ne pucha, kya?
Shreya ne jawab diya ki agar mai aisa karungi toh mere is wrench ki poori mechanical energy absorbed ho jayegi, jisse mai aage ke episodes mein kabhi bhi apne power ka istemal nahi kar sakungi.
Tarun ne Shreya ki aankhon mein dekha, uski aankhon mein darr saaf dikh raha tha. Usne kaha, Shreya... hum koi dusra raasta dhoondh lenge. Lekin tum ye mat karo, tum apni puri energy mat lagao.
Shreya ne dhire se apna wrench uthaya aur kaha, nahi Tarun. Mera bhai is game ki wajah se mara tha. Agar mujhe is system ko crash karne ke liye apni jaan bhi deni pade... toh mai taiyar hun. Usne apna mechanical wrench uthaya aur Tarun aur Suraj ki taraf dekh kar dhire se ishara kiya ki wo dono pichhe hat jaye. Jaise hi usne apna hath server par rakha, waise hi use current lagne laga.
Shreya ko ek jordar jhatka laga. Uska saans rukne laga tha, lekin is security system ke rule ke according, agar wo zara sa bhi chillati toh poore hospital ka sound level itna badha diya jata ki un sab ke kaan ke parde fat jate. Isliye usne bilkul bhi aawaz nahi nikalne diya aur apne jacket ke kapde ko zor se chabaya. Uski aankhon se paani behne laga, lekin uske muh se bilkul aawaz nahi nikli.
Dhire dhire uske mechanical wrench ki chamak dhundli ho rahi thi, jaise uski andar ki shakti puri tarah absorbed ho chuki ho.
Usi waqt upar hall mein khada creature, Joya ke is digital signal ki wajah se gusse mein aa gaya. Usne apna speaker ghumaya. Speaker bohot tezi se vibrate karne laga. Aur wo creature aisi cheekh marne wala tha jisse pure hospital mein earthquake aa jata.
Hall mein chhipe hue Anurag aur Aira ne dekha ki ab chup rehne ka koi fayda nahi tha. Agar wo creature chilla deta, toh unke kaan ke parde fat jate. Tabhi Anurag zor se chillaya, Aira! Ab shaant rehne ka waqt khatam. Usne zameen par pade stretcher ko zor se laat mara. Stretcher, creature ke speaker se takraya. Ek jordar aawaz ke sath dhamaka hua. Aur yeh creature bhi alligator ki tarah diwar se takra gaya.
Niche Shreya ka energy sacrifice bhi poora ho chuka tha. Control room ka darwaza bina kisi aawaz ke khul gaya. Lekin Shreya ke jism mein bilkul bhi shakti nahi bachi thi, wo bejaan hokar zameen par gir gayi. Uska wrench ab ek aam lohe ke tool jaisa lag raha tha. Usne apni 90% energy kho di thi.
Shreya! Suraj ne aage badhkar use sahara diya.
Main... main thik hun, Shreya ne haanpte hue kaha. Control room ke andar... Wo jo main server hai... use tod do. Wahi is Silent Ward ka asli power hai.
Tarun ne dhyan diya ki upar se lagatar bhayanak ladai ki aawazein aa rahi thi.
Tabhi Anurag aur Aira wahan pahunch gaye. Aur Anurag bina time waste kiye control room ke andar gaya. Samne bade bade computers the, jiske upar red color ka ek dil chamak raha tha. Wo core tha.
Anurag ne apni Ghost Eye ko active kiya. Uska vision bilkul clear tha. Usne apni Blood Dagger nikali, jiska blade Shreya ki sacrifice ko dekh kar aur bhi tez ho chuka tha. Usne Blood Dagger ko poori taqat se us digital core ke center mein ghoosed diya. Blood Dagger ke andar ghuste hi poore hospital ke speakers ek sath glitch hue. Control room ke andar blast hua aur sare computers phat kar chood chood ho gaye.
Upar us lambe patle creature ka body dhire dhire ash mein badal gaya. Poore sector 7 ka silent rule toot gaya. Udhar Aira, Shreya ko sambhal rahi thi.
Fir wo log apna apna phone check kiya. Screen par ek naya message aaya tha.
[Episode 4 crashed by 'The Glitch ' Team.]
Aira ne kisi tarah Shreya ko sahara dekar khada kiya. Aur wo log wahan se bahar nikal gaye. Wo sare ghayal the, lekin unki aankhon mein ab jeet ki roshni chamak rahi thi.