Current itni tezi se pani mein faila ki Suraj aur Tarun ek jhatke mein freeze ho gaya. Unke hathon ka loha or physical strength is paani ke electric current ko bardasht nahi kar paya. Wo dono jara sa hil bhi nahi pa rahe the. Tabhi Anurag ne chillaya, Aira unhein bachao aur khud wo alligator ki taraf lapak gaya.
Aira turant apne bag se holy water bottle nikali. Aur us modified liquid ko Tarun aur Suraj ke aas paas baha di. Jaise hi wo holy green liquid, paani se touch hua, wahan ek chemical reaction hua pani or modified liquid ke bich. Aur unke aas paas se current ka asar khatam ho gaya or ek temporary protective barrier ban gaya. Suraj aur Tarun dono zor zor se haanp rahe the. Udhar alligator ne jab Anurag ko apne paas aate hue dekha, toh usne apne lohe ke tail se Anurag par hamla kiya.
Anurag apne Ghost Eye se pehle hi uski movement ko slow motion mein dekh chuka tha. Usne pani ke andar ek dubki lagayi. Lekin paani mein uski speed thodi kam thi. Alligator ke tail se uski denim jacket phat gayi or skin mein kharonch aa gayi. Anurag pani se bahar nikal kar chillaya, Shreya! Main ise thodi der ke liye rok raha hun. Mujhe is pure pool ki power cut karni hai, nahi toh yeh humein bar bar current degi, jiske wajah se hum freeze ho jayenge.
Shreya ne dekha ki pool ke bahar kone mein ek control board hai. Usne bola ki, thik hai mai yahan ke control room mein jakar power suppress karti hun. Anurag ne kaha,Tarun, Suraj! jao tumlog Shreya ke sath uski help karo. Fir usne apni Blood Dagger nikali. Usne dekha ki Dagger ka blade pani mein jate hi halka blue or yellow sparks chhod raha tha. Jab tak main is alligator ka dhyan bhatkata hu.
Anurag ne apni Dagger ko paani mein daala, jisse ek electric sparks ki patli line nikli. Alligator ne turant apna rasta badal diya or wo ek dam tezi se Anurag ki taraf lapka aur apna bhadi lohe ke jaw ko khola. Uske jaw ke andar iron nail jaise daant lage hue the, jo kisi bhi haddi ko chood chood kar sakta tha.
Anurag ne apni Ghost Eye ko maximum capacity se active kiya. Uski right eye se ab khoon ki dhaar nikalne lagi thi. Lekin is waqt use apni aankh se jyada jaan pyari thi. Usne dekha ki alligator ke khopdi par ek chhota sa pathtar tha, jo halka red shine kar raha tha. Wahi uski weak point or core thi. Anurag ne apne left hand mein Gravel ko pakda or taiyar ho gaya. "Aao, saale!"
Tarun ne jaise dekha ki alligator Anurag par hamla karne wala hai, waise hi usne chillaya, "Shreya, jaldi karo! Anurag wahan akele us aafat ko rok raha hai.
Shreya ne jaise hi control room ke bade lohe ke handle ko pakda, uske hathon mein zor ka jhatka laga. Wahan par system ka security panel laga hua tha. Shreya ne apne hathon ko sehlate hue kaha, yeh normal lock nahi hai. Usne apna mechanical wrench ko panel par lagaya, lekin is baar wrench se nikalne wali waves ko panel turant kheench liya.
Darwaja khulne ke jagah, wahan se do lohe ke robotic hath niche aaya aur unhone Shreya ke hathon ko zor se pakad liya. Un arms ke andar needles lage hue the jo Shreya ke hathon mein chubh rahe the. Shreya zor se chillayi. Uske aankhon ke samne andhera chha gaya. System ka yeh trap Shreya ke mechanical power ko chhin kar, paani me tairte hue alligator ko or bhi jyada mazboot bana raha tha.
"Shreya!" Suraj ne chillaya. Wo bhagte hue darwaje ki taraf gaya or apne lohe jaise kale sakht hathon se un mechanical arms ko zor se mukka maara. Mukka lagte hi lohe ka ek arm tedha ho gaya, lekin usne Shreya ke hathon ko nahi chhoda. Wo needles Shreya ke body se uski energy lagatar khinch rahi thi, or uski wajah se alligator or bhi mazboot ho gaya tha. Or uski speed bhi pehle se 2 guna ho gayi thi.
Udhar, Anurag ne dekha ki Alligator ki speed achanak se itni tez kaise ho gayi. Tab usne Ghost eye mein dekhne ki koshish ki, lekin alligator ke speed ki wajah se woh kuchh bhi sahi se dekh nahi pa raha tha. Achanak alligator ne jordar chalang lagaya aur Anurag ke pet ke paas pahunch gaya or apna lohe ke jaw ko khola. Anurag bilkul aakhri second mein apne Broken Gravel ko alligator ke khule hue jaw ke andar puri taqat se ghusa diya.
Alligator ne apne iron nail jaise daanton se Gravel ko chabane ki koshish ki, lekin tabhi Gravel ke andar se ek shockwave nikli jisse alligator ka jaw atak gaye. Wo apna muh band nahi kar pa raha tha, lekin uski shakti itni jyada thi ki wo Anurag ko apne sath kheench kar paani ke gehre kone mein le gaya. Anurag ka saans fulne laga tha. Kyuki Pani uske muh or naak mein ghus raha tha. Fir usne dekha ki alligator ke sar par pathtar ab or bhi jyada shine kar rahi hai. Usne chillaya, Aira! Shreya ko roko... nahi toh main yahan doob jaunga.
Aira ne dekha ki Shreya behosh hone wali hai. Usne turant apne bag se bachi hui modified holy water ki bottle uthayi or use sidhe us digital panel par de maara jahan se Shreya ki energy absorbed ho rahi thi. Modified liquid ke panel se takrate hi bhayanak dhamaka hua. Panel phat gaya aur Mechanical arms ne Shreya ko chhod diya aur wo zameen par gir gayi. Lekin is short circuit se pure Route 07 ki light chali gayi, or pure area mein andhera ho gaya.
Is bilkul andhere pani ke andar Anurag akela alligator ke sath fansa hua tha. Uski Ghost Eye ko andhere mein dushman ko dhundhna aasan nahi tha. Anurag ki sans puri tarah tut chuka tha. Uske lungs mein oxygen ki jagah pani bhar gaya tha. Aur Alligator ka bhari lohe ka body use niche khinch raha tha.