"Hato samne se!" Wo ladki chillate hue boli. Usne daudte daudte hi piche ghum kar apne bag se wrench nikala aur use hawa mein ghumaya. Wrench se wave nikalne lagi, jisse ek drone ka balance bigad gaya aur wo zameen par gir kar gol gol ghumne laga. Lekin dusra drone abhi bhi us par attack karne wala tha. Jaise hi Anurag ye sab dekha wo usne turant apni Ghost Eye ko active kiya. Fir usne drone ke metallic body ke andar ke core chip ko dekha. Drone ke pet mein core chip chipa hua tha fir wo tezi se slide hote hue aage badha aur apni Blood Dagger ko uske pet ke andar core chip mein ghused diya.
Drone 5 second ke liye freeze ho gaya. Tabhi Anurag ne Gravel ko nikala aur use drone par mara. Drone ke tukre tukre ho gaye. Fir Suraj aage badha aur dusre ladhkharate hue drone par zor se mukka mara. Drone kahin door chitak gaya.
Tabhi wo ladki ghutno par hath rakh kar zor zor se sans le rahi thi. Usne Anurag ki aankhon ko dekha, fir uske hath mein chamakti hui Dagger par uski nazar gayi. Wo hairan ho gayi. Fir wo Anurag se puchi, "tum... tum ho user 09? 'The Glitch'?" Wo Anurag se darr nahi rahi thi, balki uske aankhon mein ek ummid thi.
Fir Anurag ne jawab diya, "han! Main hun user 09 aur ye log mere friends hain,". Fir usne apne Dagger ko pocket mein rakhte hue us ladki se pucha, tum kon ho? Aur tum yahan is dangerous ilake mein akeli kya kar rahi ho?
Mera naam Shreya hai. Main user 42 hun. Fir usne apna phone nikala aur Anurag ko phone ki screen dikhayi, jisme uski profile par [Class: Mechanic] likha hua tha. Wo boli ki main top user nahi hun jo level 10 ki lalach mein tumhare piche aaye ho. Mai bhi tumlogo ki tarah aam si user hun jo is system ke jaal mein fans gayi hai. System ne mujhe bahut pareshan kar rakha hai. Isne mere bhai ko episode 1 mein maar diya tha. Isliye main is system ko barbad hote dekhna chahti hun.
Tabhi Aira aage badhi aur Shreya ke hath par lagi chot ko dhyan se dekhi aur apne bag se wo chamakdar modified holy water bottle nikali aur uske hathon main chidki aur boli, humlog tum par kaise bharosa karein? Is shahar ka har ek user Anurag ka dushman hai, wo sab Anurag ko marna chahte hain.
Tabhi Shreya muskurayi aur boli, agar mujhe user 09 ko marna hota, toh main tumlogo ko yahan nahi milti. Mujhe pata hai ki tumlog sector 4 ki taraf ja rahe ho. Lekin sidhe raste se jaoge toh bahar khade hazaron drones tumhein nuksan pahunchane ki koshish karega. Mujhe wahan ka short cut rasta pata hai. Tumlog mere sath chalo.
Tarun Shreya ke wrench ko dhyan se dekh raha tha. Fir usne Shreya se pucha, tumhari yeh power... yeh in machines par kaam karti hai kya?
Shreya ne jawab diya, han ye mere powers, mechanical objects ko short circuit ya suppress karne ke liye hai. Main unhein kuchh der ke liye freeze kar sakti hu. Aur main yahan ke network ko thodi der ke liye bypass kar sakti hun. Agar tumlog mujhe apne sath le jaoge, toh main tumlogo ko un drones se bacha kar main boss ke warehouse ke andar pahuncha sakti hun. Tabhi Anurag ne Suraj aur Tarun ki taraf dekha aur ishara kiya ki thik hai.
Is mushkil ladai mein unhein ek aisi mechanic tool aur tech expert ki zarurat thi jo is system ke digital aur mechanical khel ko samajh sake. Anurag ne kaha, Thik hai Shreya. Tum hamare sath chalogi, lekin yad rakhna, agar tumne kisi bhi tarah ki chalaki karne ki koshish ki, toh meri Blood Dagger dushman aur dost mein fark nahi karti.
Shreya ne bola, thik hai. Mera maqsad sirf us core ko destroy karna hai jisne is poore shahar ko pareshan kar rakha hai. Tum sab mere piche aao, ek purana underground ventilation sidhe main factory ke control room mein khulta hai.
Anurag, Suraj, Tarun aur Aira uske piche chalna shuru kiye. Raste mein unhein do laser sensor mila tha. Lekin Shreya ki wajah se raste mein aane wale laser sensor ko unhone suppress kar diya, jisse unki location baki top users aur drones tak nahi pahunch saki. Ab wo main factory ke bilkul samne pahunch gaye the, Jahan se ek bhayanak mechanical aawaz aayi jo zameen ko hila rahi thi. Wo sab Shreya se puchne lage ki ye kya aawaz kar rahi hai. Shreya ne us baat ka jawab nahi diya aur kaha, chup chap tum sab bas mere piche aao, aur usne andhere surang mein kadam rakh diya.
Wo charo ek ek karke us lohe ki surang ke andar kadam rakhe aur rengne lage. Surang ke andar aane wali hawa mein jale hue wires ki smell aa rahi thi. Jaise jaise woh aage badh rahe the, unke kaano mein kisi engine ki chalne ki aawaz tezi se aane lagi thi. Lagbhag das minute tak rengne ke baad, surang ek bade lohe ke grill par khatam hui. Wo sab grill ke niche jhaanke. Niche jhaankte hi un sab ke hosh udd gaye.
Wolog is waqt sector 4 ke main factory ke control room ke just upar the. Niche ka nazara kisi normal factory jaisa nahi tha. Yeh poore tarah se robotic aur digital tabhai ka adda lag raha tha. Yahan hazaron lohe ke auzar rakhe hue the aur kayi machine chal rahi thi, jahan par naye drones bhi the. Aur in sab ke bich mein ek bhayanak aur ajib chiz rakhi hui thi. Ek bohot bada, lagbhag do manzila ke barabar ek bada sa spider khada tha. Uska jism heavy metal se bana tha, aur uski peeth par ek bada circle glass tha jisme koi poisonous chemical ya energy liquid tha.
Uske face ki jagah 8 green laser the jo pure factory mein ghum rahi thi.