Wo turant apna phone Aira se maanga. Phone ke screen par usne dekha ki countdown ab khatam hone wala hai. [ Remaining time: 00:00:02... 00:00:01... 00:00:00]
[Episode 2 is starting now]
Jaise hi ye message aaya, pure warehouse ke andar ki lights chali gayi. Uske baad wahan ke diwaron aur zameen se chingari nikalne lagi, jaise ki pure building ke andar koi electric circuit daud raha ho. Suraj aur Tarun jo khidki ke paas khade hokar nigrani kar rahe the, ye dekh kar wo turant piche hate. Tabhi Aira ne Anurag se kaha! "Tum hosh mein aa gaye?" Fir wo Anurag ki aankhon ko check karne lagi. Anurag ki right eye ab bilkul normal ho gayi thi.
Anurag khada ho gaya aur kaha, humein turant yahan se nikalna chahiye, humlog yahan safe nahi hain. Uska hath ab pure tarah se thik ho chuka tha. System ke active hote hi uske physical damages ko temporary taur par heal kar diya tha. Humlog soch rahe the ki hum sector 4 ke bahar hain. Tabhi factory ke chhat se ek aawaz aayi. Aisa laga jaise lohe jaise koi bhari chiz chhat par chal rahi ho. Wolog upar ki taraf dekhe. Factory ki chhat par jo lohe ke bade bade exhaust fans lage hue the, wo ab apne aap hi ghum raha tha. Tabhi achanak wahan se teen robots niche utre, jo dekhne mein dabbe jaise lag rahe the.
In robots ke aankhon se green color ki laser nikal rahi thi. Unka body steel se hua bana tha aur unke hathon ki jagah par tez ghumne wale cutting blades lage hue the.
Yeh aam users nahi hain... ye system ke banaye hue dushman hain! Tarun ne chillakar kaha. Tabhi unmein se ek robot Tarun ke paas aaya aur apne cutters hand se uske gardan par hamla kar diya. Tabhi Tarun ne apni puri taqat se dono haath aage badhaya. System ka event active hone ki wahan se uski shakti use wapas mil gayi thi. Usne robot ke mechanical cutter ko pakad liya. Uske hath kat gaye. Khoon nikalne lage, tabhi Suraj aage badha aur us robot ko dhakka maar diya. Is baar Suraj ke dono hath lohe jaise ho gaye the. Robot ek hi baar mein niche gir gaya, aur uska green laser lens toot gaya. Lekin wo robot mara nahi tha. Uske body ke andar ke circuit abhi bhi kaam kar rahe the.
Udhar Aira,Tarun ke hath mein bandage laga rahi thi. Baaki ke do robot Anurag aur Aira ki taraf badhne lage. Wo itni speed se chal rahe the ki normal logon ki aankh unhein dekh bhi na paye. Anurag ne turant apni Ghost Eye ko active kiya. Is baar bina kisi dard ke, uski vision bilkul clear thi. Usne dekha ki samne aane wale robot ke andar ek chhota sa core chip chamak raha tha, jo uske pet ke pichhe chhipa hua tha. Wahi unki sabse weak point thi. Anurag ne apne pocket se Blood Dagger nikala. Dagger ka blade ab blue or green milakar shine kar raha tha.
Robot ne attack kiya. Anurag niche se slide karte hue robot ke pet ke paas pahuncha aur pni poori taqat laga kar Dagger ko us core chip ke andar ghusa diya. Blood Dagger ke andar ghuste hi robot ka pura jism 5 second ke liye freeze ho gaya. Anurag ne is mauke ka fayda uthaya aur Dagger ko upar ki taraf kheench diya, jisse robot ke core do tukdon mein bat gaya. Robot ek bhayanak jhatke ke sath zameen par gir gaya.
Lekin teesra robot ab Aira ke bilkul kareeb pahunch gaya tha. Uska mechanical cutter Aira se kuchh hi door tha. Anurag jaise dekha waise hi usne chillaya, "Aira!".
Aira apni aankhein band ki aur apne hathon ko aage badhakar chillayi. Uske body se achanak se colorful light nikla, jo kisi sheild ki tarah uske charon taraf phail gaya. Robot ke metallic cutter jaise hi us shield se takraya, achanak blast hua.
Boom!
Robot ka cutter tut kar door jakar diwar se takraya. Aira ne haanpte hue apni aankhein kholi. Uska bag khula hua tha aur uske andar rakhi khali holy water ki bottle padi thi. Jo ki ab green light ko kheench kar khud hi chamkile liquid se bhar chuki thi.
System ke event ne uski ability ko bhi modify kar diya tha.
"Humne inhe rok toh diya hai," lekin bahar se aane wali awaz gaur se suno. Tarun ne zameen par pade robot ko laat marte hue kaha, jo abhi bhi jinda tha.
Warehouse ke bahar se ek aisi aawaz aa rahi thi, jaise hazaron madhu makkhiyan ek sath hawa mein ud rahi ho. Tabhi Tarun ne Khidki ke bahar jhanka. Bahar ka pura industry green light se chamak raha tha, aur road par hazaron drone the aur unke sath top users unke taraf aa rahe the. Tabhi Anurag ne apna phone nikala or usme dekha, screen par ek naya map dikh raha tha, jo unhein sector 4 ke main warehouse ke taraf jane ka rasta dikha raha tha, jahan Episode 2 ka boss baitha hua tha.
Anurag ne apne blood Dagger ko saaf karte hue kaha, humare paas yahan khade rehkar sochne ka waqt nahi hai. Humein is pure industry ke beech se nikal kar main center tak pahunchna hoga. Agar hamne core ko nasht nahi kiya, toh ye drones pure Shahar ko barbad kar dega.
Tabhi Suraj ne dhire se kaha, " Koi aa raha hai idhar hamare taraf. Uske dono hath lohe ki tarah kaale aur sakht ho chuke the, wo kisi bhi war ko jawab dene ke liye taiyar tha.
Achanak ek ladki bhagte hue unke paas aayi. Usne ek phati hui hoodie pehni thi aur uske haathon mein ek bada sa bag tha, jismein kuchh mechanical tool tha aur uske pichhe do drones tezi se aa rahe the.