Usne socha, system ke active na hone par kya yeh kaam karega? Lekin uske paas koi aur rasta bhi nahi tha, isliye usne apni bachi kuchi taqat se Gravel ko station ke zameen par zor se maara.
Crack!
Jaise hi Gravel zameen se takraya, koi chamakdar light nikalne ke bajaye, ek aisi invisible shockwave nikli jise feel kiya ja sakta tha. Is dhamakedar shockwave ne samne khade paancho hunters ko current dena shura kar diya. Un paancho ke baal khade ho gaye, unke hathon se weapons chhut gaye aur wo sab diwar se ja takraye. Lekin ye power sirf dushmanon ko nuksan nahi kiya, balki Anurag ko bhi nuksan pahuncha. Aisa lag raha tha ki uske hathon ki haddiyan idhar se udhar fisal gayi ho. Usne zor se chillaya. Ek normal insaan ka body, system ke is advanced weapons ka jhatka sehne layak nahi tha.
Anurag ghutno ke bal zameen par gir gaya. Uska saans ful raha tha, ek aankh mein to aisa dard tha jiske wajah se ek aankh ke chado or kala pad gaya tha. aur uske haathon mein bilkul shakti nahi bachi thi.
"Anurag!" Aira piche se daudti hui aayi aur usne Anurag ko sahara dekar khada kiya. Usne jab Anurag ka bejaan hath aur uski aankh dekhi, toh wo darr gayi. Usne Anurag se kaha, "Tumne ye kya pagalpan kiya hai! Bina event shuru hue tumne in weapons ka istemal kiya, jo ki tumhein andar se tabah kar raha hai. Tumhara dimag yeh dard jhel nahi sakegi." Humein... yahan se jaldi nikalna hoga, Anurag ne dard bhare awaz se kaha. Uska dimag sunn ho raha tha, lekin wo apna hosh khona nahi chahta tha.
Samne khade hunters abhi bhi zameen pad pade hue the, unka mask nikal chuka tha. Unmein se ek ne ladhkharate hathon se apna phone uthaya aur call karne ki koshish ki, wo soch raha tha ki kahin bahar khada team humein bachane ke liye andar aa jaye. Tabhi Tarun gusse se bola, "inhein yahan chodna safe nahi hai", Aur un hunters ki taraf jane laga. Suraj ne uska hath pakad kar use rok liya aur kaha, hamare paas jyada waqt nahi hai, Tarun. Bahar aur bhi log ho sakte hain. Humein Anurag ko yahan se nikalna hoga. Iski halat bohot kharab hai. Ye khud nahi chal sakega.
Suraj ne turant Anurag ko apne bhari kandhe par utha liya. Aira ne zameen par pade Anurag ka Blood Dagger aur Broken Gravel ko uthaya aur apne bag mein daal liya. Wo charo station ke secret raste ki taraf gaye. Wahan ek surang tha jismein bahut sare keede lage hue the. Lekin unke paas koi aur raasta nahi tha, isliye wolog ek ek karke usi surang ke andar jane lage. Anurag Suraj ki kandhe par leta hua adha behosh ki halat mein tha. Uske dimaag mein abhi bhi creator ( Joya) ki wo baat ghum rahi thi... "is duniya mein aise 5 episodes aur hain."
Lagbhag 45 min tak usi andheri surang mein chalne ke baad, wo log surang se bahar nikle. Wahan unhone dekha ke ek sunsan aur industrial area hai. Wo log us area ke paas aaye. Yeh sector 4 ke thoda nazdik tha. Samne bade bade factories aur godown the, jinki chhatein dhuen se kaala ho gaya tha. Shahar ka yeh jagah aam logon ke gharon se kaafi door tha aur yahan sirf bhari mashino ki chalne ki aawaz aa rahi thi.
Tarun ne ek purane lohe ke chhote darwaje ko lath maar kar tod diya. Wo sab andar ghuse. Tarun aur Aira ne milkar ek bada sa generator ko kheench kar darwaza ko andar se block kar diya. Fir Suraj ne Anurag ko zameen par leta diya. Anurag ki halat pehle se jyada kharab ho gayi thi. Uska right hand halka neela ho raha tha. Tarun ne ghabrate hue Aira se pucha, Aira, kuch karo. Tumhare paas healing power thi na. Aira ne bola, nahi mere powers episode 1 mein hi khatam ho chuke the. Aur bina event ke, meri healing powers kaam nahi karti hai. Mujhe koi raasta nikalna hoga. Fir wo Anurag ke paas zameen par baith kar sochne lagi.
Aira ne factory ke charon taraf dekha. Wahan kone mein purana first aid box aur chemicals ki shishi padi hui thi. Usne turant un chizon ko uthaya. Fir usne Anurag ki baahon ki haddi ko check kiya jo apni jagah se hil gayi thi. Fir wo Anurag se boli, apni aankhein band karo aur is kapde ko daanton ke bich daba lo. Mujhe tumhari haddiyan ko wapas apne jagah par lana hoga. Yeh bohot painful hoga. Tarun aur Suraj ne Anurag ko pairon aur dusre hath ko zor se pakad liya taki wo hil na sake. Aira ne Anurag ke right hand ko pakda aur ek jhatke mein madod diya.
Khat!
Haddi ki baithne ki aawaz aayi. Anurag ne apni aankhein kholi. Uska jism ek bar jhatka khake bilkul dhila pad gaya. Wo behosh ho gaya tha. Aira ne uske hath ko raasi se bandh diya taki wo hile na. 11. 5 ghante baaki hain episode 2 ke shuru hone mein. Jab tak event shuru nahi hoga, tab tak Anurag ke sharir mein taqat nahi aayegi.
Suraj khidki ke paas khada hokar bahar dekh raha tha. Bahar ka mausam dhire dhire badal raha tha. Aasman grey color ka ho chuka tha. Anurag ne khwab mein dekha ki uski Ghost Eye uske body se alag hokar hawa mein tair rahi hai, aur usme se grey color ka poisonous gas nikal raha hai. Aur ek ladki ki hasne ki aawaz uske kaano mein goonji. Yeh Joya hansi thi.
"Maine kaha tha na Anurag... tum baaki keedon ki tarah nahi maroge. Par iska yeh matlab nahi hai ki tum jinda bachoge. Episode 2 tumhein mita dega."
Anurag ki aankhein khul gayi. Wo ab hosh mein aa chuka tha. Uska pura body pasine se bheeg chuka tha. Usne zor zor se saans liya. Uska daaya hath, ab pehle se halka lag raha tha. Usne dhyan diya ki uske body ka pain ab dheere dheere kam ho raha tha.