Tabhi Tarun bahar ki taraf jhankne laga. Kam se kam das log hamari taraf aa rahe hain. Usne dheere se kaha, aur welog unhein charon taraf se gher rahe hain. Unke chalne ki aawaz halki halki sunayi de rahi hai. Yeh log aam users nahi hai jo dar ke maare humse ladne aaye hon. Inki chalne ki speed aur tarika se lag raha hai ki inhein trained kiya gaya hai.
"Top users," Anurag ne phone ki screen ko dekha, jahan 5 minute ka counting ab 02: 59 par chal raha tha. Usne kaha "System humein maarne ke liye un logon ko bheja hai, jo is game mein pehle hi bahut aage hain. Suraj, tum darwaze ka left side sambhalo. Tarun, tum right. Aira, tum aage mat badhna. Jab tak event shuru nahi hota hai, hamari powers sahi se kaam nahi karegi. Humein hoshiyar rehna hoga."
Ghost station ka darwaza bhari lohe ka aur zang laga hua tha. Achanak, kisi ne us darwaze ko kisi mechanical tool se todne ki koshish ki. Darwaja halka sa ched ho gaya. Bahar se suraj ki halki roshni andar aayi.
Tabhi bahar se ek aawaz aayi, "user 09 bahar niklo." Tumhara khel toh pehle episode mein hi khatam ho jana chahiye tha. Tab toh tum bach gaye the, lekin is baar tum humse bach nahi sakoge. Tum jaise 'glitch' ko mita kar humein jo reward milega, usse hamari team ki energy level or bhi high ho jayegi. Anurag ne koi jawab nahi diya. Usne apni Blood Dagger ko jor se pakda, jaise hi wo use hath lagaya use mahsoos hua ki Dagger kuchh der pehle thanda tha, lekin ab dheere dheere garm ho raha tha.
Khattak!
Dusra attack hote hi darwaza poori tarah toot kar gir gaya. Teen hatte khatte aadmi, jinhone kaale color ke coat pant pehne hue the aur unke chehron par mask lagaye hua tha. Unmein se do logon ke hathon mein magical weapons the. Ek ke paas hammer tha jo halka red color se shine kar raha tha aur dusre ke hath mein golden color ki talwar thi.
Aira peeche se chillayi, Inke paas system ke advanced weapons hain! Humein inke weapons se bach kar rehna hoga.
Pehla hunter jo hammer liya hua tha, wo daudte hue Anurag ke samne aaya aur uspar hammer fenk diya. Anurag turant niche jhuk kar khud ko bacha liya, lekin wo hammer halka sa Aira ke pair mein lag gaya. Wo zor se chillayi. Ahh! Uske pair se khoon behne laga. Tabhi Suraj piche se aaya aur hunter 1 ke pith mein zordar mukka mara. System event ke active nahi hone ki wajah se uska hain apne physical strength ka istemal karna pad raha tha. Suraj ke hath abhi lohe jaisi mazboot toh nahi thi, lekin uski natural strength itni jyada thi ki wo hunter niche gir gaya.
Udhar Tarun apne rumaal se Aira ke pair mein patti bandh raha tha. Fir usne dekha ki Suraj ne hunter 1 ko niche gira diya hai, toh woh Aira ki patti karne ke baad Suraj ke paas aaya aur us hunter ke gardan ko jakad liya. Par tabhi, dusra hunter jo golden color ki talwar liya huantha, wo bohot tezi se aage badha. Usne apni talwar se Tarun par hamla karne ki koshish ki. Lekin Tarun kisi tarah bach gaya.
Anurag ne socha ki agar wo talwar Tarun ko lag gayi, toh wo bohot jakhmi ho jayega. Is emergency situation mein, Anurag ne apni saans roki aur apni puri taqat se Ghost Eye ko active karne ki koshish ki. Tabhi Anurag ke dimag mein jordar dard utha, jaise kisi ne uske sir pe nukila pathtar mara ho. System event ke Bina Ghost Eye ka istemal karna uske jism par bada both tha. Uska vision suddenly change hua, lekin is baar sab kuchh blur nahi hua, balki sab kuchh slow motion mein dikhne laga.
Usne dekha ki hunter 2 dobara Tarun par hamla karne wala tha. Ghost Eye ki wajah se Anurag ko us hunter ki movement ka next step saaf dikh raha tha. Use pta chal chuka tha ki hunter 2 Tarun pe kaise hamla karne wala hai. Anurag ne bina time waste kiye apni Blood Dagger ko nikala aur hunter 2 ke hath par attack kiya. Dagger ka blue blade seedhe hunter ke hath pe laga. Dagger ke lagte hi ek ajib sa chamatkar hua. Dushman ka khoon jaise hi Dagger se touch hua, hunter ka body 5 second ke liye freeze ho gaya, jaise uske ragon mein behta khoon jam gaya ho.
"Yeh... yeh dagger ki nayi ability hai?" Anurag ne haanpte hue socha. Lekin is fight mein sochne ka waqt nahi tha. Dushman ke freeze hote hi, Anurag uske hath se talwar chhin liya aur use fenk diya. Tabhi bahar se teen aur hunter andar ghuse. Unke paas fire guns the. Unhone Suraj aur Tarun par fire gun chalaya, lekin wo dino apne kismat se bach gaye. Jaise hi hunters Anurag par waar karne lage, Tarun zor se bola, Anurag! Bhago jaldi.
Tabhi Anurag ne dekha ki countdown ab 00: 04 par tha.
Tabhi System se Notification aaya: [Broadcast ended. Your location is hidden. ]
Jaise hi location hidden hui, bahar se aane wala shor thoda kam ho gaya, lekin jo dushman andar aa chuke the, wo abhi bhi wahin the. Anurag akele bach gaya tha aur samne 5 super hunters khade the. Aira unke peeche kisi drum ke piche chipi hui thi, aur uske paas koi weapon bhi nahi tha.
Ghost Eye ke side effects ki wajah se Anurag ka sar phat raha tha. Uski right eye mai bahut pain ho raha tha. Uska body kaanp raha tha. Ye power use karna uske liye bohot dangerous ho raha tha. Aisa lag raha tha ki, wo ab andar se khokhla ho raha hai.
"Ab tumhare kya hoga, user 09?" Ek hunter ne apni gun ko Anurag ki taraf nishana banate hue kaha. Tumhara body to pehle hi jawab de chuka hai.
Anurag ladhkharate hue apne pocket se Broken Gravel nikala. Usne episode 1 mein dekha tha ki iss Gravel se shock wave nikalti hai.