Suraj ki roshni se wahan faila hua khoon sukh chuka tha. Hostel warden jo is shahar ka system manager tha, ab wo rakh mein badal chuka tha. Anurag mandir mein apne doston ke sath baitha hua tha. Uske pure body mein dard tha. Thakan to aisi thi jaise usne mahinon se nahi soya ho. Tabhi usne apna phone nikala. Screen par abhi bhi wahi notification tha.
[User 09 has been marked as 'The Glitch'.]
Tarun, Suraj aur Aira tino uske paas baithe hue the. Tabhi Tarun ne Anurag se pucha, "Toh ab hum sirf bachne ke liye nahi lad rahe?" Uske hathon mein abhi bhi zanjeeron ki jakadne nishan thi, zanjeeron ne kaafi hadd tak uske andar ki energy ko kheench liya tha.
Anurag ne jawab diya, "nahi". Joya ne kaha tha ki is duniya mein aise 5 episode aur hain. Agar humne is system ko yahan khatam nahi kiya, toh yeh midnight app kabhi bhi delete nahi hogi. Isliye humein is system ko puri tarah se khatam karna hoga.
Tabhi Suraj aage badhkar mandir ke aangan mein gaya. Usne wahan dekha ki wo teen users jise wo ghayal kiya tha, wo ab hosh mein aa gaye the. Lekin unke chehron main ab darindgi nahi thi, balki wo sirf ab dare hue aam insaan lag rahe the. System reboot hone ke baad unke aankhon ka laal rang khatam ho chuka tha. Fir usne un sabhi ko sahara dekar khada kiya, fir usne bhari aawaz mein bola, "tum log yahan se ja skate ho." Lekin yaad rakhna, agar tumhara phone mein fir se koi message aaye... toh kisi par bharosa mat karna." Wo teenon users bina kuch kahe, ladhkharate hue aapne gharon ki taraf chal pade.
Aira ne apni khali holy water ki bottle ko fenk diya, fir Anurag se pucha, "Anurag, Joya ne agle episode ke bare mein kuchh bataya hai kiya? Hum agla kadam kahan rakhenge?"
Anurag jawab dene hi wala tha ki tabhi un charon ke phones ek sath vibrate hue. Yeh aawaz kisi bijli ke jhatke jaisi thi. Unhone screen par dekha. Is baar koi laal ya safed notification nahi tha. Screen poori tarah black ho gayi thi aur us par blue colour mein message aaya.
[Welcome to Episode 2]
[Location Activated: The Ghost Station]
[Time Limit: 15 hours 59 minutes]
Tarun ne gusse se diwar par haath mara. "Khel shuru hone se pehle hi unhone hamari location leak karna shuru kar diya?" Har teen ghante mein hamari jaan khatre mein hog!
Anurag ne kaha, "yeh real hai". System humse darr raha hai. Wo nahi chahta ki hum sector 4 tak jinda pahunch sake. Humein yahan se turant nikalna padega. Yeh mandir ab humare liye safe nahi hai. Welog mandir se nikal kar shahar ki taraf bhagne lage. Sha ab bilku badla hua lag raha tha. Log apne gharon se bahar nikal rahe the, unhein kal raat ke hadsa yaad nahi tha, lekin har aadmi ke hath mein phone tha. Anurag ko lag raha tha ki har ek shakhs jo unhein dekh raha hai, wo shayad koi hidden user ho sakta hai jo level 10 ki lalach mein un par hamla kar de.
Unka pehlamaqsad tha ek aisi jagah jana, jahan wo 15 ghante gujar sakein aur ek solid plan bana sake. Tabhi Anurag ne apni Ghost Eye ko dhyan se activate karne ki koshish ki. Is baar aankhon mein dard nahi hua, balki uski vision mein shahar ki imaratein halki transparent dikh rahi thi. Usne dekha ki lagbhag 1.5 kilometer ki doori par ek purana, band pada underground railway station tha, jahan koi signal nahi aa raha tha.
Anurag ne ungli se ishara karte hue kaha, "wahan". Wahan hum agle kuchh ghante chhip sakte hain. Par yaad rakhna, system hamari location har teen ghante mein 5 minute ke liye dikhayega. Agla ping thik do ghante baad hai. Humein usse pehle wahan pahunch kar taiyari karni hogi." Jab wo log Ghost station ke andar pahunche, toh wahan har taraf lohe ke saman rakhe hue the, drum wagerah bhi tha. Wahan ka environment kaafi thanda aur silent tha. Suraj ko wahan ek toota hua wooden chair nazar aaya. Wo us par baith kar apne haathon ko dekhne laga. Raat ki ladai mein uske haath lohe jaise sakht ho gaye the, lekin ab wo normal ho chuka tha.
Fir Suraj ne kaha, "Anurag, hamari powers... yeh tabhi kaam karti hai, jab system ka event active hota hai. Abhi hum normal insaan jaise hain. Agar abhi humlogon par kisi ne hamla kiya, toh hum sirf apni physical strength par depend hain." Tabhi Anurag ne apni pocket se Blood Dagger nikala. Uska blade ab halka blue chamak raha tha, par wo normal lohe jaisa hi thanda tha. "Tum sahi keh rahe ho, Suraj. System ke active na hone par humare paas koi energy nahi hai. Isliye humein hoshiyar rehna hoga." Fir usne Tarun se pucha, tumhare jism ki energy kaisi hai?
Tarun ne jawab diya, pehle se behtar hai, par un zanjeeron ne mere andar ki energy ko rok diya hai. Mujhe thoda waqt lagega recover hone mein.
Aira station ke ek kone mein baithi hui thi aur wo apna bag check kar rahi thi, ki mere pass ab koi holy water bacha hai ya nahi. Agar episode 2 mein dushman powerful weapon ka use karega toh meri protection abilities limited ho jayegi. Tabhi Anurag ka phone zor se baja. Screen par counting chal raha tha:[Location Ghost Station 5... 4... 3... 2... 1...]
[ apka location top users ke liye public kar diya gaya hai.]
Station ke bahar achanak se shor aane lagi. Unhein zameen ke niche hone ke bawujud bhi station ke upar tez bhagte hue logon ki aawaz aur gaadiyon ke rukne ki aawazein aane lagi. Anurag darwaza ke paas gaya aur bahar jhankne laga. Usne dekha ki kuchh log unki taraf aa rahe hain. Aur is baar yeh normal log nahi lag rahe the, balki ye professional hunters lag rahe the. Usne apne friends ko ye baat batayi.