Tarun ne Warden ki taraf gusse se dekha or bola, toh tum ho system manager. Tumne humare sath thik nahi kiya Warden! Wo gusse se warden ki taraf bhaga. Tabhi Warden ne apna ek hath uthaya, or kuen mein dala. Usne kuen ke andar se lambi lambi zanjeerein nikali or un zanjeeron se Tarun ko bandh diya. Tarun ne bahut chillane ki koshish ki, lekin uski aawaz nikal nahi pa rahi thi, kyunki wo zanjeerein uske andar ki energy kheench rahi thi.
"Tarun!" Anurag chillate hue uski taraf bhaga, tabhi warden ne use ek jordar jhatka diya or wo jakar diwaron se takra gaya. Uska sir phat gaya or khoon tezi se behne laga.
[Lifespan Warning: Your physical body is getting damage. Survival chances 15% only.]
Anurag kamjor ho kar zameen par gir gaya, lekin girte waqt usne table par rakhe Broken Gravel ko utha liya. Or chillate hue bola: "System Manager ho na tum? Toh tum par bhi System ke rules apply hote hain!"
Anurag ne Gravel ko jor se zameen de par mara.
Ek aisi invisible shockwave nikli jo ki warden ko 5 second ke liye hawa mein latka diya. Warden ka kaala chehra achanak safed ho gaya. Wo 5 second Anurag ke liye saalon ke barabar tha. Fir usne apna Blood Dagger nikala or apni puri taqat se Warden ki taraf bhaga. Usne Dagger ko Warden ke upar nahi mara, balki usne Dagger ko sidhe us aasman se aane wale blue light jo kuen mein ja raha tha us par fenk diya, jahan se sari energy aasman mein ja rahi thi.
Agar source hi tut gaya, toh tumhara system to crash ho jayega! Anurag ne Manager ki taraf dekha aur muskurate hue bola. Blood Dagger jaise hi us kuen ke core se takrayi, ek bhayanak blast hua. Demonic bomb or purane khoon ka reaction hua, or kuen mein aane wali blue light achanak green light mein change ho gayi.
Warden zameen par gir gaya aur wo chillane laga. Tumne core code ko tod diya, system....system is rebooting!
Warden ka jism dhire dhire ash mein badalne laga, or jungle mein lad rahe sare users achanak hosh mein aane lage or sabhi ek dusre se ladna band kar diye. Unke dimag mein ab system ka koi control nahi tha. Asman ka laal chand dhire dhire safed hone laga. Pura Shahar jo dhundhla ho chuka tha, wo sab normal hone laga. Anurag ke jism mein ab itna taqat nahi tha ki wo zameen se uth sake. Wo zameen par baitha hua tha. TabTarun aage badha ... or use sahara dekar uthaya aur bola, Anurag! Tumne toh wo kar dikhaya jo hum mai se koi nahi kar sakta tha... tumne sach mein system ko hara dala.
Udhar se Suraj or Aira bhi daudte hue courtyard mein aaye. Unke chehre par khushi or hairani dono thi. Wahan ke baaki users bhi bahut khush hue apni aazadi se or jo log Anurag ko marne ke liye aa rahe the wo sab Anurag ke charno mein baith kar usse maafi mange. Unhone kaha, ki hum jise marne ke liye aa rahe the, usne hi hamari jaan bachayi. Fir Anurag ne unse kaha ki in sab mein aaplogo ki koi galti nahi hai. Aap sab to system ke control mein the. Fir usne bola ki ab aaplogo ko apne apne ghar jana chahiye. Un logon ne Anurag ko thank you kaha or fir apne apne gharon ki taraf chal pade .
Unke phones par ek last notification aaya: par is baar text ka rang red nahi balki white tha.
[Critical error: System Manager eliminated by user 09.]
[User 09 has been marked as 'The Glitch'.]
Subah ke 5: 00 AM ho rahe the. Temple ke upar se suraj nikal raha tha. Safed aasman, taza hawa, suraj ki roshni ne pure Shahar ko naye sire se jagaya. Sare users jo thodi der pehle ek dusre ki jaan ke dushman bane hue the, wo sab chup chap apne gharon ki taraf ja rahe the. Un sabko ab samajh aa gaya tha ki maut ke is khel mein unka asli dushman kon tha.
Anurag Temple ki diwar par baitha hua tha, uski chamkile aankhein ab pehle se kayi jyada chamak rahi thi. Uske paas ab koi naya task nahi tha, koi time limit nahi thi, par wo janta tha ki yeh khel abhi khatam nahi hua hai. Uska phone ek baar phir chamka. Lekin yeh us platform ka message nahi tha. Yeh sidhe 'The creator' ka personal video call tha. Anurag ne call receive kiya. Screen par ek kaala andhera kamra dikh raha tha, jahan ek shaks baitha hua tha. Uska chehra saaf saaf nahi dikh raha tha, lekin uski aawaz puri tarah se clear thi. Wo ek ladki ki awaz thi.
"Anurag tumne toh mujhe impress kar diya hai", wo ek sukoon bhari awaz mein boli. Lekin uske awaz mein darr bhi tha. Tumne meri banai hui pehli duniya ko crash kar diya hai. Mujhe laga tha ki tum bhi baaki keedon ki tarah mar jaoge. Par tumne to system ko hi corrupt kar diya.
Anurag narm lehje mein usse pucha, tum kon ho? Or tumne hamare sath aisa kiyun kiya? Mera naam Joya hai, us ladki ne jawab diya. Or mene ye game nahi banaya tha. Mujhe bhi is game ke top par bethne ke liye majboor kiya gaya tha. Jo tumne abhi dekha, wo sirf is system ka episode 1 tha. Is duniya mein aise 5 episodes or hain. Or jab tak tum un sare episode ko crash nahi kar doge, yeh midnight app kabhi bhi delete nahi hogi.
Anurag ne muskurate hue apni Blood Dagger ko dekha, jiska blade ab halka blue chamak raha tha. Fir usne bola, "Toh iska matlab hai ki mujhe or 5 bosses ko marna hoga? Fir usne Joya se kaha, Thik hai, Joya... ab tum apna agla episode taiyyar rakho. Kyunki 'The Glitch' ab tumhare is system ko puri tarah se delete karne aa raha hai." Joya ne haste hue call cut kar diya. Anurag apna phone pocket mein rakha or khada ho gaya. Wahan uske sath Tarun, Suraj or Aira uske sath khade the, sabhi ek sath bole, hum taiyar hai ek nayi duniya mein kadam rakhne ke liye. Ab wo sirf survivors nahi the. Ab wo 'System Hunter' ban chuke the.
Suraj ki roshni unke chehron par pad rahi thi, par unki manzil abhi bhi wahin thi... Raat ke theek 12: 00 baje ka wo andhera, jahan unhein apni aazadi dhundhni thi.