User 05 has been eliminated for breaking the Auction Rules. His remaining 50 Soul Points have been added to the Auction Pool.
Ab Auctioneer ne muskurate hue bola, "Let's begin the bidding. starting price for the Cursed Core is 90 Soul Points." User 33 (Suraj) ko har chiz ki jaldi rehti thi, wo thoda jazbati tha. Usne turant auctioneer se kaha, "mere paas 120 SP hai."
Anurag ko Auctioneer par bharosa nahi tha. Isliye usne apni Ghost Eye ka istemal kiya. Uski aankhein chamki, aur use Cursed Core ke andar ka sach dikh gaya. Wo koi reward nahi tha. Wo ek aisi demonic bomb thi, jaise hi koi use touch karta, wo uski poori energy kheench leti. System unhein fasane ki koshish kar raha tha.
Ruko! Anurag ne chillate hue Suraj ko bola. Apna kuchh bhi dao pe mat lagao! Wo core ek trap hai.
Chup raho! Suraj gusse se bola. "Tum toh chahte ho ki mai pichhe hat jaun taki tum ise le sako? Mai bewakoof nahi hoon.
Tabhi Aira, Anurag ki taraf dekhi or boli, Anurag kya tum sach keh rahe ho?
"Mera bharosa karo, Aira. Agar hum ise kharid lenge, toh hum sab mare jayenge. Mujhe iski core ke andar ek glitch dikh raha hai. Humein is auction ko jitana nahi hai, humein is auctioneer ko marna hoga," Anurag dheere se bola, aur apni jeans se Blood Dagger ko nikala.
Ek taraf User 07, jo apne dost ki maut se pagal ho chuka tha, wo ro raha tha, chilla raha tha. Fir wo achanak ek lohe ki pipe uthaya aur stage ki taraf bhaga. 'Tumne mere dost ko maara hai! Mai tumhein khatam kar dunga, "Auctioneer ".
Auctioneer ne sirf apna ek ungli hilaya. User 07 hawa mein latakne laga. "Tumne mujhse badtameezi ki? Penalty: 5 saal tak tumhe kaid kar liya. User 07 ka chehra achanak safed hone laga. Uske baal safed ho gaye, aur wo zameen par gir kar tadapne laga. Anurag samajh gaya tha, ki normal tarike se unhein koi chance nahi milne wala hai. Wo Aira ki taraf dekha or bola "Aira, tumhare paas koi item hai?"
Aira kaanpte hue apne bag se ek choti si glass ki bottle nikaali. "Mere paas 'Holy Water Essence' hai, jo mujhe birthday gift mila tha. Par yeh sirf 5 second ke liye kisi entity ko kamzor kar sakta hai." Wahi kaafi hai, Anurag ne kaha. Fir wo Suraj ki taraf dekha, jo abhi bhi apna sab kuchh dao pe lagane mein busy tha. Fir Anurag ne dheere se kaha, Suraj! Agar tum apni jaan bachana chahte ho, toh agli item boli pe mat lagao.
Humein ek sath milkar Auctioneer par attack karna hoga!" Suraj pichhe mudkar dekha, uske chehre par darr saaf dikh raha tha kyunki ab Auctioneer bol chuka tha, "Bidding has reached 200 SP or 10 years of life. Anyone higher? Suraj ke paas ab ek bhi points nahi bache the. Usne Anurag ki baat man li. Thik hai, User 09! Lekin agar tumhara plan kaam nahi kiya, toh yaad rakhna sabse pehle mai tumhe maarunga. Suraj ne Anurag ko bola or apni dono mutthiyan bandh li jo ki achanak se lohe jaisi mazboot ho gayi thi, ye uski level 4 ki ability thi.
Anurag ne Aira ko signal diya.
Aira zor se holy water bottle Auctioneer ke upar fenk di. Jaise hi wo bottle uske jalte hue body se takrayi, ek jordar dhamaka hua or Auctioneer dard se chillane laga. Uske charo taraf ka jo protective barrier tha wo toot gaya. Fir Suraj aage badha or ek jordar mukka Auctioneer ki peeth par mara. Stage tut kar bikhar gaya, or usi waqt Auctioneer zameen par gir gaya. Lekin Auctioneer itni aasani se marne wala nahi tha. Usne turant apna hathoda uthaya or zameen par marne ki koshish ki or chillate hue bola, agar main mar gaya toh tum sab bhi jinda nahi bachoge.
Anurag ne apni Ghost Eye se dekha ki Auctioneer ki sari power uske hathode mein thi. Agar wo hathoda zameen se takrata, to uska pura room... tahas nahas ho jata. Tabhi Anurag ne hawa mein jump lagaya. Uske hath mein Blood Dagger chamak rahi thi. Wo apni puri taqat se Dagger ko Auctioneer ke us hath par maara jismein hathoda tha. Blood Dagger ke demonic ash ne Auctioneer ke hath ko turant rakh mein badal diya aur hathoda uske hath se chhut kar zameen par gir gaya.
Anurag jaldi se us hathode ko uthaya or use table par de mara. Crack ! Hathoda toot gaya. Jaise hi hathoda tuta, Auctioneer ka pura sharir rakh mein badal gaya. Dheere dheere diwaron par bane symbols bhi gayab hone lage, aur wahan ek normal old drainage room wapas aa gaya. Anurag, Suraj or Aira sab jor jor se haanp rahe the. Lekin Auctioneer ke marte hi User 07, wapas aa gaya tha.
Un sabhi ke phones vibrate hue:
[You have successfully eliminated an entity.]
[Rewards: User 09, user 33, user 23 ,user 07 receive 300 SP each and 2,00,000 INR.]
Tabhi Suraj ne sharm se Anurag ki taraf dekha or kaha, mai tum par bharosa nahi kar raha tha, fir bhi tumne meri jaan bachayi. Thank you so much. Fir Aira muskurate hue boli, hum sab sath hain. Aur aage bhi sath rahenge. Anurag ne bola han Aira hum sab sath hain. Fir usne turant apna phone check kiya. Uska profile ab Level 3 par tha. Wo socha ki humne ek entity ko toh maar diya hai. Iska matlab yeh sirf ek program hai, or kisi bhi program ko hack kiya ja sakta hai.
Filhal jo task unhein mila tha, wo to pura ho gaya tha. Or iske aage koi task nahi mila tha. Isliye sare users apne apne ghar chale gaye. Anurag jab hostel wapas gaya, to use kafi thakan mehsoos ho rahi thi, jaise ki wo ek hafte se nahi soya ho. Uske body mein pain bhi ho raha tha, lekin uski chamakdar aankhein ab pehle se jyada chamak rahi thi. Aur use ab aam logon ke aas paas ek halki si roshni dikhne lagi thi. Wo khidki ke bahar jhank kar logon ko dekhne laga. Kuchh logo ka color white dikh raha tha, kuchh ka blue, fir jab uski nazar wahan khade hostel warden par padi, toh usne notice kiya ki hostel ke warden ka color bilkul kala dikh raha tha.