"Ticket compartment number 3 mein hai!" User 15 ne chillakar kaha aur wo aage wale compartment ki taraf bhaaga. Anurag bhi uske peeche bhaga. Jaise hi wo dono teesre compartment mein jane lage, achanak seats par baithi hui parchhaiyan khadi ho gayi aur unki taraf jane lagi, aur fir unhone un dono ka raasta rokna shuru kar diya. Tabhi User 15 ne apni talwar nikali aur parchhaiyon par waar karna shuru kiya. Talwar unke aar-paar nikal gayi, lekin wo parchhai thodi der ke liye dhundli ho gayi thi. "Ye itni aasani se nahi mareinge! Inhe sirf speed se chakhma diya ja sakta hai!" Anurag ne user 15 ko bola. Fir woh dono kisi tarah unse mukabla karke aage badh gaye.
Pehle Anurag ne seat ke upar se jump lagaya aur compartment 3 ka darwaza khola. Wahan usne dekha ki compartment ke kisi ek kone mein purani lakdi ki almari thi, Anurag aage badhkar almari ko khola. Almari mein ek sunhare rang ka ticket rakha hua tha. Wo wapsi ka ticket tha. Lekin jaise hi Anurag ne ticket ko hath lagaya, User 15 peeche se aaya aur uski hoodie pakad kar use zor se dhakka de diya. Anurag ka sir diwaar se takraya aur uski aankhon ke samne andhera chha gaya.
"Maaf karna ladke, mujhe zinda rehna hai isliye mujhe ye karna pada," User 15 haanpte hue bola aur ticket uthane ke liye aage badha.
Tabhi Anurag ki nazar seedhiyon par padi. Usne dekha ki User 15 ke just peeche, compartment ki chhat se ek bohot badi , kaali parchayi dheere dheere neeche utar rahi thi. Uske haath lambe the. System ne yeh nahi bataya tha ki ticket ki hifazat ek Boss Devil kar raha hai.
Anurag jor se bola. "Peeche hato!" user 15.
Lekin jab wo bola, tab der ho chuki thi. Jaise hi User 15 ticket ko hath lagaya, us parchhai ne uske gardan ko jor se maror diya. User 15 jor se chillaya. Ahh!. Uske haath se talwar niche gira aur toot gaya. User 15 dard se tadap raha tha, aur wo parchhai ab uski soul ko khinch rahi thi. Anurag janta tha ki agar wo abhi yahan se bhaag gaya, toh woh ticket lekar zinda bach sakta hai. Lekin wo uska dil itna sakht nahi tha. Use user 15 ko bhi apne sath le jana tha. Tabhi uske dimaag mein ek baat aayi.
System ne bola tha: Aakhri station pahunchne par jiske paas ticket nahi hoga use passengers kha jayenge. Lekin system yeh nahi bola tha ki ticket ko share nahi kiya ja sakta hai. Lekin ticket lene ke liye use pehle uss parchhai ko marna hoga. Wo us parchhai ko ghur ghur kar dekh raha tha. Tabhi uski nazar parchhai ke gale mein padi. Usne sunhare moti ki locket pehen rakhi thi, aur wahi uski core thi. Tab Anurag ke dimag mein ek idea aaya.
Usne apne pocket se rod nikala aur parchhai ke locket ki taraf nishana banakar poori taqat se phenka. Rod seedhe us locket se takrayi aur ek hi baar mein locket toot gayi. Parchhai jor se chillaya aur dheere dheere bhasm ho gaya. User 15 haanpta hua zameen par para tha. Anurag ne aage badh kar pehle ticket uthaya. Fir usne user 15 ko sahara dekar khada kiya.
"Tumne mujhe kiyun bachaya? Tum toh akele bhi bach sakte the," User 15 ne dard se kehrate hue pucha, uski aankhon mein ab darr nahi, hairani thi.
Anurag ne use kaha, mera dil itna sakht nahi hai ki mai kisi insaan ko apni aankhon se marta dekhun!
Ye bolkar Anurag ticket ko dhyan se dekhne laga. Us par likha tha: 'Admit One'. Tabhi Anurag apna phone nikala aur app ke settings mein gaya. Usne notice kiya tha ki har task mein ek custom option hota hai feedback dene ka. Wo socha ki agar yeh app ek system hai, toh isme technical glitches bhi honge.
Usne ticket par bane QR code ko app ke scanner se scan kiya. Ek option aaya:[Split Reward? Yes/No].
Anurag turant 'Yes'par click kar diya. Ticket do hisson mein bat gayi, aur dono ke paas ek-ek tukda aa gaya.
Tabhi train tezi se aakar platform par ruk gayi. Fatafat train ke darwaze khule. Dono bina ek pal gawaye platform par kud gaye. Jaise hi unke pair platform par pade, train piche se gayab ho gayi, aur station ki normal lights on ho gayi. Construction workers ki aawazein door se aane lagi. Ab wo dono safe the.
Fir user 15 ne Anurag ki taraf dekh kar muskuraya aur use apna naam bataya."Mera naam Tarun hai. Agar tum wo dimag nahi lagate, toh mein apne bete ko kabhi nahi dekh pata. Thank you, Anurag."
Anurag muskuraya or bola, hum dono milkar is system ko haraye hain,Tarun. Lekin yeh toh sirf shuruat hai. System humare sath khel raha hai, or humein ise puri tarah se khatam karna hoga. Fir dono ke phones ek sath vibrate hue. Dono ladke apne apne phones check kiye. Anurag ko is baar 50,000 INR mila tha. Aur Tarun ki profile bhi upgrade ho gayi thi. Dono ek dusre se hath milaye or wahan se chale gaye.
Jab Anurag subah apne hostel room mein wapas aaya, toh wo kaafi thakan mehsoos kar raha tha, lekin uske andar ka darr ab khatam ho chuka tha. Use is game mein maza aane laga tha. Lekin use malum tha, ki yeh game abhi khatam nahi hui thi. Isliye wo is game ke baaki users ko ek message dena chahta tha.
Usne turant apna phone nikala, midnight app ko khola or ek naya post dala:
"To all users in this city. Agar tum zinda rehna chahte ho toh, ek dusre se lado mat. System ki glitches dhundo. System ke kuchh rules hote hain. Agar hum sab ek sath honge to un rules ko badla ja sakta hai.
Ye message dalte hi Anurag ke account mein turant ek private message aaya, jise dekh kar uske chehre ki muskan hat gayi.
From-'the creator ' Tumne System ke rules ko toh badal dala, lekin dekhte hain ki tum agle hafte hone wale 'The Scarlet Night' ke rules badal sakoge ya nahi.
Yeh message dekh kar Anurag is baar dara nahi balki us ke chehre par ek naya junoon tha. Usne khud se bola,"Toh tum mujhe dekh rahe ho? Thik hai. Dekhte hain, is game ka asli winner kon banta hai." Uski aankhon mein alag hi chamak thi. Use khud par yakeen tha ki wo haarega nahi is game mein.