Dheere-dheere saal 2022 bhi khatam hone laga.
Ania aur Ariz ka rishta ab sirf naam ka reh gaya tha.
Bahar se sab theek dikh raha tha...
Lekin andar hi andar sab kuch bikhar chuka tha.
Ariz baar-baar Ania ka bharosa tod raha tha.
Aur har baar Ania sirf ek hi umeed se usse maaf kar deti...
"Shayad ek din mera pyaar ise badal de."
Lekin waqt ke saath uski ye umeed bhi tootne lagi.
Dusri taraf...
MJ dheere-dheere Ania ki zindagi ka ek aham hissa ban gaya tha.
Woh har baat mein Ania ka saath deta, uski baatein sunta aur bina kisi matlab ke uski fikr karta.
Kabhi uski padhai ke baare mein poochta...
Kabhi uski tabiyat ka.
Kabhi bas yun hi message karke pooch leta...
"Khana kha liya?"
Ya...
"Apna khayal rakha karo."
Ye chhoti-chhoti baatein Ania ke dil ko sukoon dene lagi thi.
Usse pehli baar laga...
Ki koi uski fikr bhi karta hai.
Ania ko kabhi nahi laga tha ki jis ladke ke baare mein usne pehle galat socha tha...
Wahi ladka ek din uska sabse kareebi dost ban jayega.
Phir aaya...
New Year 2023.
Naye saal ki shuruaat ke saath hi sab kuch badalne laga.
MJ ne Ania se kuch aisi baatein kahi...
Jinse Ania ke dil mein uske liye ek alag hi ehsaas paida hone laga.
Woh khud bhi samajh nahi pa rahi thi ki uske dil mein kya chal raha hai.
Ye sirf dosti thi...
Ya usse badhkar kuch aur...
Lekin kuch hi dino baad un dono ke beech kisi baat ko lekar galatfahmi ho gayi.
Na jaane aisa kya hua...
Ki dono ki baat-cheet achanak band ho gayi.
MJ door chala gaya.
Aur Ania phir se akeli reh gayi.
Idhar Ariz ke saath bhi uska rishta tootne ki kagar par tha.
Ek din Ania ko phir pata chala...
Ki Ariz kisi aur ladki se baat kar raha hai.
Is baar...
Ania ke paas maaf karne ki himmat nahi bachi thi.
Usne hamesha ke liye Ariz se apna rishta khatam kar diya.
Na koi shikayat...
Na koi sawaal...
Bas ek khamosh alvida.
Ek taraf uska pyaar usse chhod gaya...
Aur doosri taraf uska sabse achha dost bhi usse door ho gaya.
Ania ki zindagi mein ek saath bahut kuch toot gaya tha.
Uski engineering padhne ki khwahish pehle hi adhuri reh gayi thi.
Ghar walon ki majbooriyon ki wajah se woh apna sapna poora nahi kar paayi.
12th ka result bhi uski umeed ke mutabik nahi aaya.
Uski tabiyat, ghar ki pareshaniyan aur dil ka dard...
Sab kuch uski padhai par asar kar chuka tha.
Ania ko lagne laga tha...
Jaise zindagi usse har mod par hara rahi ho.
Lekin waqt rukta nahi.
Usne college mein admission le liya.
Ye woh college nahi tha jahan woh jaana chahti thi...
Lekin apne Ammi-Baba ki khushi ke liye usne bina kuch kahe apni padhai jaari rakhi.
College ki bheed mein bhi...
Uske dil ka ek hissa har roz sirf ek hi naam ko yaad karta tha...
MJ.
Usse har din MJ ki yaad aati.
Kabhi uski baatein...
Kabhi uski daant...
Kabhi uski fikr...
Aur kabhi uski muskurahat.
Ania ko pehle lagta tha ki ye sirf ek attachment hai.
Lekin ek din namaz ke baad dua karte waqt...
Uski aankhon se aansu ruk hi nahi rahe the.
Tab usse ehsaas hua...
Ki ye sirf yaad nahi thi.
Ye mohabbat thi.
Ek aisi mohabbat...
Jiska izhaar usne kabhi kiya hi nahi.
Lekin...
Kya MJ ke dil mein bhi Ania ke liye wahi ehsaas tha?
Ya phir ye sirf Ania ki ek khamosh mohabbat thi?
Ye sawaal aaj bhi uske dil mein zinda tha.
To Be Continued...