🔥 ZERO CLASS – Chapter 1
"Zero Class…?"
Training ground me sab halke se has rahe the.
"Matlab iska koi rank hi nahi hai?"
"Isse hunter kisne bana diya?"
Main chup tha.
Unki baatein galat nahi thi.
Is duniya me har ek hunter ko ek Class milta hai—Elite, High, Mid, Low…
Aur phir tha main.
Zero Class.
Na power.
Na skill.
Aur na koi future.
Sirf ek extra insaan… jise kabhi bhi marne ke liye bheja ja sakta tha.
Kyuki is duniya me uska koi kaam nahi hota.
"Chalo, time waste mat karo," team leader ne zor se kaha.
"Low-Class gate hai. Aasani se clear ho jayega."
Sab relaxed the.
Kuch log haste hue andar chale gaye.
Main gate ke saamne ruk gaya.
Mera dil zor se dhadak raha tha.
Aisa laga jaise…
"Ye… normal nahi hai…"
Lekin meri baat kaun sunta?
Main bhi andar chala gaya.
Andar… sab kuch zyada hi shaant tha.
Bahut zyada shaant…
Ek bada sa purana hall… toot-ti hui diwaren… aur beech me ek khali jagah.
Phir kisi ne dheere se kaha—
"Wo dekho…"
Aage line me khade the stone warrior statues.
Har ek alag shape… kuch warriors, kuch beasts… aur kuch aise jinhe samajhna bhi mushkil tha.
Aur sab…
hume dekh rahe the.
Gate achanak band ho gaya.
Sab ekdum ruk gaye.
"Gate kaise band hua?"
Tabhi—
Ek awaaz zor se goonji.
Gehri… thandi… aur bilkul zinda jaisi nahi.
"Trial… begins."
Meri body me thand si utar gayi.
"Relax yaar, wahem hoga," ek hunter aage badha.
Wo ek statue ke paas gaya.
"Dekho, kuch nahi—"
CRACK.
Statue ki gardan dheere se uski taraf ghumi.
Uski aankhen… khul gayi.
Agla pal—
Us hunter ka weapon haath se chhoot gaya…
Aur uska sharir zameen par girte hi bilkul be-harkat ho gaya.
Sab jam gaye.
"RUN!!"
Har jagah afra-tafri mach gayi.
Statues hilne lage.
Jo bhi move kar raha tha…
wo turant attack ho raha tha.
Main bhi bhaaga…
Lekin mere dimaag me kuch click hua.
"Ye random nahi hai…"
Maine dekha—
Ek banda darr ke maare ruk gaya.
Statue uske paas aaya…
…aur ruk gaya.
Usne attack nahi kiya.
Meri nazar wahi thamm gayi.
"MAT HILO…!"
Meri awaaz poore hall me goonj gayi.
Lekin der ho chuki thi.
Ek ke baad ek… sab girte gaye.
Main freeze ho gaya.
Maine saans rok li.
Ek statue mere bilkul saamne aa gaya.
Uski aankhen seedha meri aankhon me thi.
Agar main hila…
to main mar jaunga.
Tabhi…
Zameen hilne lagi.
Sab statues ek saath ruk gaye.
Aur dheere dheere…
sabne apne sir jhuka diye.
Jaise kisi ke saamne.
Mera dil aur tez dhadakne laga.
Andhere se…
ek badi si shadow ubharne lagi.
Dheere dheere…
ek giant statue saamne aaya.
Baaki sabse kai guna bada… aur kahin zyada khatarnak.
Uski presence itni heavy thi ki saans lena mushkil ho raha tha.
Phir…
uski aankhen khul gayi.
Aur wo…
muskuraya.
"Tum log… mere trial ke layak bhi nahi ho…"
Mera sharir jam gaya.
"Head…"
Usne sirf haath uthaya—
Aur do hunters hawa me udd gaye.
Jaise wo kuch bhi nahi the.
Mera body kaanp raha tha.
"Main… marne wala hoon…"
Main bhaagne ki koshish kar raha tha…
Lekin mere pair hil hi nahi rahe the.
Saans nahi le pa raha tha.
Aankhen dheere dheere band ho rahi thi.
…
"Kya yahi end hai…?"
Tabhi—
Beep.
Mere saamne hawa me ek screen chamki.
[Critical Condition Detected]
[Host near death]
Meri saansein ruk gayi.
Tabhi—
Head ne seedha meri taraf dekha.
Uski aankhon me pehli baar interest tha.
"Ek Zero… jo abhi tak zinda hai…"
Mera dil ruk gaya.
Screen flicker hui—
[Special Condition Met]
[You have been selected]
Mera sharir hawa me uth gaya.
"AAAHH—!!"
Tabhi…
Mere andar se ek awaaz aayi.
Halki… lekin darawani.
"Finally… darwaza khul gaya…"
"Kaun… hai…?"
Screen par last message blink hua—
[Curse System Initializing…]
[Sealed Entity: Awakening]