Chalte chalte me kafi dur aa gai hu.par abhi bhi gharse bohot dur hu. Rasta akdam sunsan se . Muze raste par koi Nazar nahi aa raha .raste ke dono taraf kafi sare ped he.
Itne me ak aadmi cycle lekar samne se aata huaa muze dikha. Mere pas aatehi usne cycle rok di ,or muzse kaha tum kaha ja rahi ho?
"Kabristan vale raste se mat jana ". Ye kehkar o chala gaya . Muze kafi dar lag raha he. Mene firse chalna shuru kiya.chalte chalte me ak "kabristan" ke pas aa Pohchi . Samne bas ak hi rasta muze nazar aa raha he . Par us cycle valene to kaha tha us raste se mat jana . Par mere samne or koi rasta nahi tha . Mene usi raste se chalna chalu kiya . Itne me muze ak aawaz aai .
Serrrrrrrrrrrrr..............................
Muze yesa mehsus huaa jese koi mere pas se guzra . Darke mare me teji se chalne lagi . Raste ki dono taraf muze kabre dikhai de rahi hai . Muze bohot dar lag raha he. Me chal rahi hu . Itne me muze ak aawaz sunai di .
" Aayeshaaaaaaaaaaaa "
Muze yesa laga jese kisine muze aawaz dekar pukara . Mene piche mudkar dekha to koi bhi nahi tha . Mene fir se chalna shuru kiya . Ab magrib ka vakt ho chuka he andhera bhi bad raha he. Chalte chalte me bas yahi ummid kar rahi hu ki kash abbu kahise jaldi muze lene aa jaye .itne me muze firse aawaz aai .
Aayeshaaaaaaaaaaaa..........
Me dar gai . Mere hatho se kitabe gir gai . Mene kitabe uthai or bhagna chalu kiya . Bhagte bhagte me ak ped ke pas aa Pohchi hu . Ab muzme himmat nahi he kuch karne ki. Me bohot thak gai hu . Par ghar bhi to Jana he .
Me fir aage badh rahi hu. Itne me ak ladka achanak se mere samne aa gaya . Dar ke mare muze chakkar aa gaya . Or me vahi gir gai . Muze kuch hosh nahi he. Meri aankh khuli to dekha me merehi gharme hu .
Ye kese huaaaaa?
Muze samaz nahi aa raha tha me Ghar kese Pohchi . Me to us raste pe bhatak gai thi . Muze yaha kon lekar aaya mere zehen me kai sawal the. Itne me ammi abbu mere pas aaye .
Beta tumhe hosh aa gaya . Ham to dar hi gaye the . Shukar he tum thik ho . Abbu ne kaha - tumhe kuch ho jata to me kya karta . Muze achanak se kuch kam aa gaya tha, is vajahse muze aane me der ho gai . Muze maf kardo beta .mene kaha koi bat nahi abbu ab me thik hu .par muze yaha lekar kon aaya .itne me Taslim ne kaha' aapi koi aapko darvaje ke bahar letakar chala gaya tha . Ammi ne aapko dekha to hum aapko Ander le aaye .
Muze kuch samaz nahi aa raha he . Aakhir o kon tha . Jo muze ghar chodkar chala gaya . Ammi mere liye khana lekar aai or kaha tum jyada mat socho beta khana kha lo . Ammi ki bat man kar mene khana kha liya .
Aaj me collage bhi nahi gai .me ammi ke pas hi leti hu . Taslim or mosi bhi mere pas hi bethi he.
Isi tarah din bit gaya . Rat hotehi ammi ne muze khana khilaya or me so gai. Nind lagte hi muze ak sapna aaya . Or mene sapne me kya dekh ?
Vahi kabristan or us kabristan me me bhag rahi hu . Muze yesa lag raha he jese koi mere piche pada he . Me jorose bhag rahi hu or itne me mere samne ak ladka aa gaya or usne muze gale laga liya .
"khubsurti yesi jese koi farishta jamin par utar aaya ho". Jese kisi "shehzade"
ki tarah dikh raha tha o . Me bas khadi dekhti reh gai kuch bol hi nahi pai .itne me meri aankh khul gai . Ab subah ho gai he . Me uthkar room se bahar aagai . Me ammi ke pas aakar beth gai . Abbu kisi kam se bahar chale gaye he . Mene ammi se college Jane ki permission leli . Or nashta karke apne room me aagai tayar hone.
Me nahakar bathroom se bahar aa gai . Mene dekha mere pehene ke liye kisi ne kapde nikal kar rakhe huye he. Shayad ammi ne rakha hoga ye sochkar mene o joda pehn liya he. Vese lal colour muzpe kafi khubsurat lag raha he . Itne me meri nazar padi attar ki shishi par . To mene thodasa laga liya . Taki me dinbhar mehakti rahu. Ab me tayar hu collage jane ke liye. Ammi ko khuda Hafiz kehkar me driver uncle ke sath collage ja rahi hu.
Driver uncle muze college chodkar ghar vapas chale gaye. Me collage me aa chuki hu .ab me mere saheliyo ke sath collage ke kamo me lag gai . Collage khatam hote hi ak ladka mere pas aaya ,o mere hi class me padhta he . Usne muzse kaha Aayesha muze tumse kuch bath karni
He.
Mene kaha -kaho kya kehna he?
Usne kaha -aayesha me tumhe bohot pasand karta hu ,kya tum bhi muze pasand karti ho ?
Itne me driver uncle aa gaye. Uske bat sunte hi me gadi me beth kar ghar chali aayi .me abhi yesi kisi baton me nahi padhna chahti hu . Me padhai pe dhyan Dena chahti hu . Ghar aatehi ammi ne muze khana parosa . Khana khakar me apne room me chali aai .
Din bit gaya . Agle din ki subah ho gai he . Aaj fir me tayar hokar college ja rahi
Hu. Aaj fir koi mere pehene ki liye kapde nikal kar chala gaya he. Mene ammi se pucha to unhone bhi kahaki 'mene nahi nikale tumhare kapde' shayad Taslim ya mosi ne nikale honge ye sochkar me collage chali aai . Saheliyon ke sath collage ke kamo me lag gai . Aaj muze o ladka nahi dikha collage me jisne kal muzse bat ki thi. To mene apne ak saheli se pucha uske bare me . Usne muzse kaha tumhe nahi pata? "Kal college se ghar
Lot raha tha tabhi ak gadise uska accident ho gaya or o mar gaya ."ye sunkar me dar gai .muze uske liye bohot bura lag raha he .
'Allah use Jannat nasib kare '
Uske liye duwa karke or collage khatam karke me ghar vapas aa gai hu. Ghar aatehi mene dekha ammi, mosi or Taslim chat par kuch kar rahe he. Par muze bohot bhuk lagi
He . Par koi bat nahi ammi ke aane ke bad khana khaungi ye soch kar me apne room me chali aai . Room me aatehi mene dekha, mera
Kamra akdam saf kiya he kisine . Or khana mere bed par rakha huaa he . Muze lagta he ammi mere liye rakh kar chali gai hongi . Ye sochkar me khana kha rahi hu. Khana to bohot hi acha bana he.
Khana khakar me ammi ki pas chali aai. Mene aatehi ammi se kaha 'ammi khana bohot hi acha bana he aaj'.
Ammi ne kaha par aaj to khana bana hi nahi he .Aaj ham sab bahar ja rahe he khane . Tumhare chacha ne niyaz ki he or sabko khane ki dawat di he . Ye sunkar me dar gai . Me to khana kha chuki thi . Agar ammi ne khana nahi banaya to o khana kisne rakha tha mere liye?