Usne meri taraf dekha or gadi ki taraf dekhne laga . Fir bola shayad gadi kharab ho gai he. Hame pedal hi Jana padega.hum gadi yahi chod dete he , driver se kehkar gadi thik karva lenge. Me ne kaha thik he hum ab collage jayenge to bhi tabtak der ho jayegi ,hum aaj collage rehne dete he . Hum Ghar vapas chalte he.
Usne kaha"thik he jesa aap kahe ". Hum dono ab ghar wapas ja rahe he . Hum dono ak dusre se bate kar rahe he. Na jane kyu o muze acha lagne laga he . Uski bate sunna muze acha lagne laga he.uske sath wakt bitana muze acha lagne laga he . Hum dono chalte chalte dur aa gaye he .me chalte chalte thak gai hu .
Me ak ped ke pas aakar beth gai hu. O bhi aakar mere pas beth gaya he. Hum dono ak dusre se bate kar rahe he.
Achanak se usne meri aankho me dekha or mera hath apne hatho me liya. Meri dhadkane tej ho gai he. Mera dil jor se dhadak raha he.
Me uski taraf dekh rahi hu . Usmane ne muzse kaha
"Me aapko bohot pasand karta hu ,or aapse shadi karna chahta hu. Me aapko kabhi kisi chiz ki Kami nahi hone dunga . Aapko khush rakhne ki puri koshish karunga. Kya aap mujhse shadi karengi".
Me bas uski bate sun rahi hu. Par pata nahi kyu muze uski bate achi lag rahi he. Shayad me bhi use pasand karne lagi hu. O ak bohot acha ladka he or muzse pyar bhi karta he. Me uski taraf dekh rahi hu . Fir usne kaha 'kuch to boliye'.
Me ne muskura kar kaha "pasand to me bhi aapko karti hu . Aap muze ache lagte ho . Par me ammi abbu ke marzi se hi shadi karna chahti hu."
Usne muskura kar kaha 'me puri koshish karunga aapke ammi abbu ko manane ki'.me ne kaha 'thik he agar o man gaye to muze koi yetraz nahi he aapse shadi karne me .
Thodi der bat karne ke bad ab ham gharki taraf ja rahe he.hum ab ghar wapas aa gaye he. Ghar aatehi ammi ne muzse sawal kiya .kya huaa tum wapas kyu aa gai ?
Me ne ammi ko sari hakikat batai. Ammi ne kaha thik he agar tum aa hi gai ho to mere sath "dargah Sharif "chalo. Mene Mannat ki thi, isliye me mazar par chadar chadhane ja rahi hu. Me ne kaha 'thik he ammi me chalti hu aapke sath.'
Mosi or Taslim bhi hospital se aa gaye he. Ab bhi hamare sath dargah aa rahe he. Hum sab dargah ja rahe he.
Dargah aatehi hum sab gadi se utar gaye he. Hum dargah ke andar aa gaye he. Hum sabne mazar par darud padha or ab ham fakiro me khana Dene chale aaye. Ammi fakiro ke liye dher sara khana banakar lekar aai he. Hum sabne fakiro ko khana diya.
Aaj mazar par bohot bhid he . Bohot sare log Aaj yaha aaye he.
Ab ham ghar vapas jane ke liye nikal chuke he . Ghar vapas aatehi hum gadi se utar gaye he . Me or Taslim ab hamare gardan me bethe he.taslim muze zula zula rahi he. Muze bohot maza aa raha he . Zula zulna muze bohot pasand he . Mene apne kano me headphones lagaye huye he me aankhe band karke gana sun rahi hu. Taslim muze zula zulaye ja rahi he . Thodi der bad mene Taslim se kaha ab zula rok do bohot huaa .tum yaha aakar beth jao. Par zula ruk hi nahi Raha he. Or na Taslim aakar mere pas bethi . Mene apne kanose headphone utara or piche dekha.
Par piche to koi bhi nahi he . To muze zula kon zula raha tha?
Taslim to kabki andar ja chuki he. Muze dar lag raha he . Ye kya ho raha he mere sath.itne me meri nazar ghar ke khidki ki taraf padi. Usman khidki se muze dekh raha he . O meri taraf dekh kar muskura raha he.me gharke andar ja rahi hu.
Pata nahi ye mere sath kya ho raha he.Taslim andar beth kar sabji kat rahi he. Mene use pucha tum andar kab aai ?or tumne muze bataya kyu nahi?
Taslim ne kaha 'aapi me to kabka andar aa gai hu . Mene aapko bataya bhi ki me andar ja rahi hu par aapne suna hi nahi.muze kuch samaz nahi aa raha he. Me apne room me aa gai hu. Me aakar khidki ke pas khadi ho gai . Khidki se bohot achi hawa aa rahi he. Mere bal mere chehre par udkar aa rahe he. Me apne balo ko sawar rahi hu.
Usman aakar mere pas khada ho gaya . O apne hatho se mere chehre par padi laton ko hata raha he. Hum ak dusre kiaankho me dekh rahe he . Ab hum akdusre ko chahne Lage he .mene usman se kaha tum bahar chale jao . Kisi ne tumhe yaha dekha to bohot sawal karenge. Usman ne kaha thik he me jata hu bas ak tohfa dene aaya tha aapko.
Ye kehkar usne apne hath me chupaya huaa gulab ka phool muze diya . Me muskura rahi hu . Mene o phool liya.
Usman room se bahar chala gaya he. Par me usi ke bare me soch kar muskura rahi hu.pehli bar is tarah koi mere liye phool lekar aaya he. Aazse pehle muze kabhi kisi ke liye itna acha mehsus nahi huaa.
Me ne o gulab apni pasandida book me rakh diya he.
Ab me ammi ke pas ja rahi hu. Abbu bhi ghar aa gaye he.me ammi or abbu ke pas aakar bethi hu. Abbu mere sar par apna hath fer rahe he. Abbu ne kaha 'meri ladli beti ko kisi chiz ki Kami nahi honi chahiye. Aayeshako jo chahe o sab use dila Dena 'abbu ne ammi se kaha.
Ye sunkar me or ammi muskura rahe he . Itne me usman room me aaya. Abbu ne kaha Aao beta betho hamare pas. Ab tumhara zakham bhar gaya he na ? 'Ha ab me thik hu' usman ne jawab diya.
Abbu or usman bate kar rahe he .abbu usman ko pasand karne lage he.
Abbu ne kaha 'kya tumhara koi apna nahi he is dunya me ?
'Ji nahi'usman ne kaha. Abbu ne ye sunkar kaha 'abse ham sab hi tumhara pariwar he . Tum mere bete ki tarah ho. Aajse tum hamare pariwar ka hi hissa ho'. Ye sunkar usman ne kaha "shukriyaa" aap sab mere apne he . Or me aap sab ko hi mera pariwar manta hu.
Kuch der hum sab bate kar rahe he. Fir ammi ne kaha 'chalo khane ka wakt ho gaya he '. Ye sunkar sab log uth kar bahar aa gaye. Room se bahar aate hi me o ammi dastarkhan par khana sajane me lag gaye he.
Sab log khana khane aakar beth gaye . Khana khakar ho gaya he. Khane khakar sab firse bate karne me lag gaye. Aaj gharme sab log kitne khush lag rahe he. Sabkuch bohot acha lag raha he.
Sabko sath khush dekh kar muze khushi ho rahi he .
Aajka din bhi guzar gaya . Sham ho gai he sab log room me sone chale gaye . Me bhi ab so rahi hu . Subah hote hi Taslim muze uthane aai . Aaj Taslim ko dekhne ladke Wale aane vale he ,is liye o bohot khush he aaj . Me bhi uska mazak udha rahi hu.hum dono jorse has rahe he.
Itne me mosi room me aai . Or unhone hamse kaha'ab Tayyar bhi ho jao mehman aatehi honge . Bhai sahab ne bohot acha ladka dhunda he tumhare liye. O Hamari Taslim ko bohot khush rakhega'. Ye sunkar Taslim muskurane lagi.
Me uthkar tayar ho gai hu. Or ab me Taslim ko Tayyar kar rahi hu.
Taslim ne bohot hi pyar joda pehna he. O bohot khubsurat lag rahi he.me use chudiya pehna rahi hu. Ammi or mosi kitchen ke kamo me lage he. Mehmano ke liye khana bana rahi he. Aaj gharme bohot sare pakwan bane he.
Taslim ab Tayyar ho gai he . Itne me mehman bhi aa gaye he. Abbu ne un sabko andar bithaya. Ammi or mosi mehmano ki mehman nawazi me lage he.
Abbu ne aawaz di 'Aayesha beta Taslim ko le aao '. Me Taslim ko lekar bahar aa gai . Taslim ne sabko chay di. Sab log bate kar rahe he . Usman bhi abbu ke pas khada he. Sab log bohot khush he. Itne me abbu ne puchha kya aapko Taslim pasand he?
Ladke ki ammi abbu ne kaha' hame ladki pasand he,agar hamare bete ko bhi pasand he to hame koi yetraz nahi. Ye sunkar sab log khush ho gaye.abbu ne kaha'thik he aap apne bete se bat kar lijiye or hame bata dijiye . Hame aapka beta pasand he'. Ye sun kar o log apne bete ke sath bat karne lage .fir jo huaa o kisine nahi socha tha. Us ladke ki bat sunkar hum sab pareshan ho gaye he. Mene kabhi nahi socha tha mere sath yesa kuch hoga.