Shahar Mein Pahli barish ho rahi thi.
Sadke Chamak rahi thi, aur Hawa Mein Mitti ki Khushbu ghuli hui thi. Ayaan cafe Ki khidki ke pass Baitha tha, Hath Mein coffee ka cup pr dyan baar-baar bahar ja raha tha.
Tabhi darwaza khula.
Woh aayi.
Gili zulfee, Halka saa muskurata hua aur Aankhon Mein Kuchh Aisa Jo sidha Dil Tak Lag Jaaye. uska naam ira tha. Ayaan usse pahli bar dekh raha tha, pr ajib si bat thi jaise kahi na kahi, kisi adhuri kahani mein, woh phle se maujood ho.
Ira coffee order ki aur Bagal Wali table per jakar baith gai.
"Baarish pasand hai? "Usne achanak puch liyaaa.
Ayan thoda hichkaya fir muskurya.
" Jab tak sath mil jaye...tab tak."
Woh dono Hans Pade. Aur bus vahin se baat shuru ho gayi--kitabon se, Sapnon Se, aur b um Khwabon Se Jo sirf Raat ke sannate mein zinda hote ho. Barish Tej hoti gayi,Waqt dheere- dheere pigalne laga.
Roj Milana Aadat Ban Gaya. Cafe, lambi walks, aur woh chup Rehana Jo bolane Se Jyada kah deta hai. Ayaan ko laga, Shayad Yahi Pyar Hai--shaant, gehra, aur thoda sa Dar ke saath.
Par ek din ira ne kaha,
"Mujhe jana hoga... Sheher chood ke."
Ayaan k liye sab kuch ruk gaya.
"Kab?"
"Kal"
Us Raat fir barish hui. Dono usi cafe k bahar khade the.
"Kya ham fir milenge? " Ayaan ne poocha.
Ira ne uska haath pakda.
Agar kahani sachi ho.... Toh milna likha hota hai. "
Aur woh chali gayi.