ek aadamee ko marane se bahut dar lagata tha. ek din use chaturaee soojhee aur kaal ko apana dost bana liya. usane apane mitr kaal se kaha- mitr, tum kisee ko bhee nahin chhodate ho, kisee din mujhe bhee le jaoge..dhar loge! kaal ne kaha- ye mrtyu lok hai. jo aaya hai use marana hee hai. srshti ka yah shaashvat niyam hai is lie main majaboor hoon. par tum dost ho isalie main jitanee riyaayat kar sakata hoon, karoonga hee. mujh se kya aasha rakhate ho saaph-saaph kaho.
vyakti ne kaha- mitr main itana hee chaahata hoon ki aap mujhe apane lok le jaane ke lie aane se kuchh din pahale maisej kar dena .. avashy likh dena taaki main apane baal- bachchon ko kaarobaar kee sabhee baaten achchhee tarah se samajha doon aur svayan bhee bhagavaan bhajan mein lag jaoon. achchhe kaam karane lag jaoon
kaal ne prem se kaha- yah kaun see badee baat hai, main ek nahin aapako chaar maisej bhej doonga. chinta mat karo. chaaron maisej ke beech samay bhee achchha khaasa doonga taaki tum sachet hokar kaam nipata lo.
manushy bada prasann hua sochane laga ki aaj se mere man se kaal ka bhay bhee nikal gaya, main jaane se poorv apane sabhee kaary poorn karake jaoonga to devata bhee mera svaagat karenge. unhee galat salat kaamon mein lag gaya..
din beetate gaye ek din kaal seedha aakar khada ho gaya ki chalo . mitr ab samay poora hua. mere saath chalie. main satyata aur drdhataapoorvak apane svaamee kee aagya ka paalan karate hue ek kshan bhee tumhen aur yahaan nahin chhodoonga.
manushy ke maathe par bal pad gae, bhrkutee tan gayee aur kahane laga- dhikkaar hai tumhaare jaise mitron par. mere saath vishvaasaghaat karate hue tumhen lajja nahin aatee?
tumane mujhe vachan diya tha ki lene aane se pahale patr likhoonga. mujhe bada duhkh hai ki tum bina kisee soochana ke achaanak dooton sahit mere oopar chadh aae. mitrata to door rahee tumane apane vachanon ko bhee nahin nibhaaya.
kaal hansa aur bola- mitr itana jhooth to na bolo. mere saamane hee mujhe jhootha siddh kar rahe ho. mainne aapako ek nahin chaar patr bheje. aapane ek bhee uttar nahin diya.
manushy ne chaunkakar poochha – kaun se patr? koee pramaan hai? kaal ne kaha – mitr, ghabarao nahin, mere chaaron patr is samay aapake paas maujood hain.
mera pahala patr aapake sir par chadhakar bola, aapake kaale sundar baalon ko pakad kar unhen safed kar diya aur yah bhee kaha ki saavadhaan ho jao, jo karana hai kar daalo.
naam, dikhaave aur dhan-sangrah ke jhanjhato ko chhodakar bhajan mein lag jao par mere patr ka aapake oopar jara bhee asar nahin hua.
banaavatee rang laga kar aapane apane baalon ko phir se kaala kar liya aur punah javaan banane ke sapanon mein kho gae. aaj tak mere shvet akshar aapake sir par likhe hue hain.
kuchh din baad mainne doosara patr aapake netron ke prati bheja. netron kee jyoti mand hone lagee.
phir bhee aankhon par mote sheeshe chadha kar aap jagat ko dekhane ka prayatn karane lage. do minat bhee sansaar kee or se aankhe band karake, prabhu ka dhyaan manan mein nahin kiya.
itane par bhee saavadhaan nahin hue to mujhe aapakee deenadasha par bahut taras aaya aur mitrata ke naate mainne teesara patr bhee bheja.
is patr ne aapake daanto ko chhua, hilaaya aur tod diya. aapane is patr ka bhee javaab na diya balki nakalee daant lagavaaye aur jabaradastee sansaar ke bhautik padaarthon ka svaad lene lage.
mujhe bahut duhkh hua ki main sada isake bhale kee sochata hoon aur yah har baat ek naya, banaavatee raasta apanaane ko taiyaar rahata hai.
apane antim patr ke roop mein mainne rog – klesh tatha peedaon ko bheja parantu aapane ahankaar vash sab anasuna kar diya.
jab manushy ne kaal ke bheje hue patron ko samajha to phoot-phoot kar rone laga aur apane vipareet karmo par pashchaataap karane laga. usane sveekaar kiya ki mainne gaphalat mein shubh chetaavanee bhare in maisej ko nahin padha.
main sada yahee sochata raha ki kal se bhagavaan ka bhajan karoonga. apanee kamaee achchhe shubh kaaryo mein lagaoonga, par vah kal nahin aaya.kaal ne kaha – aaj tak tumane jo kuchh bhee kiya, raag-rang, svaarth aur bhogon ke lie kiya.
jaan-boojhakar eeshvareey niyamon ko todakar jo kaam karata hai, vah akshamy hai.
manushy ko jab apanee baaton se kaam banata nazar nahin aaya to, usane kaal ko karodon kee sampatti ka lobh dikhaaya.
kaal ne hansakar kaha- mitr yah mere lie dhool se adhik kuchh bhee nahin hai sansaaree logo ko vash mein kar sakata hai, mujhe nahin.
aadamee ne poochha ki kya koee aisee vastu nahin jo tumhen bhee priy ho, jisase tumhen lubhaaya ja sake. aisa kaise ho sakata hai!
kaal ne uttar diya- yadi tum mujhe lubhaana hee chaahate the to sachchaee aur shubh karmo ka dhan sangrah karate.
yah aisa dhan hai jisake aage main vivash ho sakata tha. apane nirnay par punarvichaar ko baadhy ho sakata tha.
par tumhaare paas to yah dhan dhele bhar ka bhee nahin hai. to kaal kabhee bhee dastak de sakta hai samay ke saath umr kee nishaaniyon ko dekh kar to kam se kam hamen is sach ko bhee nahee bhoolana chaahie ki ek na ek din hamen bhee upar jaana hai isalie achchhe kaam karate rahana chaahie aur prabhu kee yaad mein rahane ka abhyaas karana chaahie aur sachchaee aur shubh karmo ka dhan sangrah karate rahana chaahie…
is banaavat mein dikhaavat mein kuchh nahee rakha…
dhanavaan banane ke lie
ek-ek kan ka
sangrah karana padata hai,
aur
gunavaan banane ke lie
ek-ek kshan ka
sadupayog karana padata hai..!
is jeevan ka paisa
agale janm mein kaam nahin aata
magar is jeevan ka puny
janmo janm tak kaam aata hai