To meri kahani shuru hoti hai ek chhote se gaav se jaha mera welcome rokr kiya gya,kyu ki mai 4th girlchild thi.aur mera poora parivar expect kr rha tha ek ladka aayega.mujhe dukh hai ki mere aane se unhe koi khushi nahi hui. Jaise taise hm dheere dheere bade hue.aur pariwarik stithi utni achhi na hone k karan bahut achhi education nahi dilane ki koshish ki gai .lekin bhagwan ki shukra guzar hu ki iska bhi ek rasta nikla .hmare ghar k samne hi government school tha to ghar waalo ne wahi bheja.
Ghar me thoda aisa mahaul tha ki mujhse chhota jo mera bhai tha use dusre school me bheja gya jaha English medium education mile. Zindagi me kaafi baar mai aise hi hatash hoti thi kyu ek ladke aur ladki me itna antar.
Mai hmesha yahi sb sochti thi aur wo baat mere man me tha ki mai ladki hu isliye mere saath ye sb ho rha tha.
Aur isme mai apne mata pita ko dosh nahi dungi kyu ki mai joint family me rahti thi to usme sbka contribution tha. Apni padhai maine Wahi aas paas se hi complete Kiya graduation tk.mere bahut shauk the jaise sports,dance,music etc.etc.
Lekin mujhe pta tha abhi isme se ek bhi shauk nahi poora ho paayega kyu ki un sbki izazat nahi thi hme. Mujhe pta tha agar zindagi me kuchh behtar krna hai to apni bahan ki tarah abhi mehnat krna padega .
Isi tarah hmari life cycle chalti rahi.
Ghar me ladkiyon k liye achhe mahaul nahi the jaha hm soch sake ki hm zindagi me aage badh payenge.wha to ek time aisa bhi lgta tha ki graduation ho jaye wo bhi bahut badi baat thi.
I know meri story bahut interesting nahi hai but that's ground reality of many families.mai koi bahut purani nahi hu 2000 me mera janm huaa tha .jaha ek taraf log aage badh rhe the wahi aaj bhi kuchh families hai jo khud ko wahi purane soch me jakde huee hai.
Hm aksar itni kahaniyan sunte hai ki koi gareeb insaan ka beta ya beti ye exam crack kr liya .
Hm kbhi imagine bhi nahi kr sakte ki asliyat me wo log kitna mehnat kiye hai kitni peeda sahe hai . Hm kbhi soch bhi nahi sakte unke struggle ko.gareebi ek bahut hi bhayanak condition hai jo kbhi kisi ko na dekhni pade bss yhi chahte hai hm.
Jis time hm log graduation me the itna struggle krte the.mai to apne aur dosto ki zindagi dekhti thi to aisa lgta tha ki haa koi nahi inke paas mujhse jaada dukh hai.aur mujhe bahut peeda hoti hai ki ek ladki ko kitna kuchh struggle Krna padta hai . Isme koi shaq nahi hai ki ladke mehnat nahi krte lekin maine jitna dekha hai aur mai aapko btana chahungi ki kuchh aise struggle hai jo sirf ladkiyaan hi kr rhi hai.
Jb mai 11th class me thi achanak se mujhe law krne ka mn kiya.ab us time law ka khwaab dekhna mtlb bahut badi baat thi .lekin wahi baat hai na jb aapko kisi se pyaar ho jaaye koi kitna bhi roke toke aap pyaar Krna nahi bnd krte .meri zindagi me law mera pahla pyaar tha .mai din raat manifest krne lgi.
Lekin poora parivar mujhe rokane pr lga tha.maine itna sapna sajaya law ko leke mai aapko bta bhi nahi sakti.mtlb log ise pagalpanti samjhenge. Mai padhne me bahut hoshiyar thi kyu ki mujhe pta tha mujhe aur kuchh krne ko nahi milega aise environment me km se km padhai krke apna future bna paau.
Lekin dukh to tb hota h jb aap padhne me bhi achhe ho tb bhi log aapke raste me kante bnte hai.mere saath bhi yahi huaa poora pariwar rokane lga law krne se. Lekin mai poore din bss yahi jidd krne lgi ki mujhe bss bahar jaane dijiye .
Finally Mera sapna poora huaa . Maine law me admission le liya.