Andhera... charon taraf sirf kala andhera tha Aryan ki saanse ukhad rahi thi. Uske Seene me dushman ki talwar ka jakhm abhi bhi garam tha. Uske Apne doston ne jinhen usse bhai maana tha, sirf ek 'Divine Crystal' ke liye uski peeth me chura maar diya tha.
To... Aryan ne khoon thukte hue socha. Usne puri jindagi mehnat ki, logon ki madad ki, par badle me kya mila dhokha?
Jaise hi uski aankhen band hone lagi, uske kaano me ek machanical aur thandi awaaz gunji :
Achanak, ek Tej toshani chamki.
Aryan ne jhatake se apni aankhen kholi. Wo paseene me nahaya hua tha. Usne dekha ki vah chote se, purane kamre me hai. Yah vahi kamra tha jahan wo 5 saal pehle rehata tha jab wo bilkul gareeb tha.
Usne thartharate hothon se paas rakha calender dekha.
"12 April, 2021..." Uski aankhen fati ki fati reh gayi. Yah vahi din tha jab 'Great Awakening' shuru hui thi aur duniya badal gayi thi. Uska katil dost sameer, aaj hee ke din use milane aane wala tha.
Darvaje par dastak hui.
Bahar se ek jaani- pahchani awaaz aayi, "Aryan bhai ! Jaldi darvaja khol aaj Awakening ceremony hai iss baar ham donon me bade shikari banenge!"
Aryan ke hothon par ek halki muskan aayi sameer vahi shakhs jisne 5 sal baad aryan ko mara tha.
Aryan ne sheeshe me dekha uski aankhon me ab vah purani masoomiyat nahin balki ek aag thi. Usne dheere se kaha "Is baar... Shikar tum nahin main karunga."
Achanak, uski najar ke saamne ek pardarshi neeli screen chamki :
Arya ne darvaje ki taraf kadam badhaye. Khel ab shuru hua tha.
.