Ravi ek chhote gaon ka ladka tha…
ghar ki halat itni acchi nahi thi, par sapne bahut bade the।
Roz school jaate waqt wo ek chhoti si dukaan par rukta…
jahan ek budhi maa chai aur biscuit bechti thi।
Ek din Ravi ke paas paise nahi the…
par bhookh bahut lagi thi।
Wo chupchaap wapas mudne laga,
tabhi budhi maa ne awaaz lagayi—
"Beta, ruk… bhookhe pet padhai nahi hoti।"
Usne Ravi ko ek biscuit ka packet aur chai de di।
Ravi bola,
"Mere paas paise nahi hain…"
Maa muskuraayi—
"Jab kamaane lage tab de dena… bas 5 rupaye samajh lena।"
Us din ke baad Ravi roz waha jaata,
kabhi paise deta, kabhi nahi…
par maa ne kabhi mana nahi kiya।
Phir ek din…
Ravi shehar padhne chala gaya।
Zindagi me itna busy ho gaya ki
wo gaon aur wo maa… dono peeche reh gaye।
10 saal baad…
Ravi ab ek bada officer ban chuka tha।
Ek din achanak usse apna gaon yaad aaya…
Wo seedha usi dukaan par gaya।
Par dukaan band thi…
aur paas me khade ek aadmi ne bataya—
"Wo budhi maa 2 saal pehle guzar gayi…"
Ravi ke haath se bag gir gaya…
Us aadmi ne ek purana dabba diya—
"Ye tumhare liye chhod gayi thi।"
Ravi ne khola…
andar ek purani diary thi।
Usme likha tha—
"Ravi – 5 rupaye udhaar
Par isne mujhe maa keh diya…
Isliye hisaab kabhi pura nahi hoga ❤️"
Ravi ro pada…
aur dheere se bola—
"Maa… maine toh sirf 5 rupaye liye the…
aapne mujhe zindagi de di…"
Ravi poori raat so nahi paaya…
us diary ke har ek shabd uske dimaag me ghoom rahe the।
Subah hote hi wo phir usi dukaan ke saamne khada tha…
band darwaza, purani kursi… sab waisa hi tha,
bas "maa" nahi thi…
Usne aas-paas ke logon se poocha—
"Kya unka koi apna tha?"
Ek budhe aadmi ne kaha—
"Nahi beta… tu hi toh tha unka sab kuch।"
Ravi ka dil toot gaya…
Us din Ravi ne ek decision liya।
Usne us chhoti si dukaan ko phir se khola…
aur uska naam rakha—
"Maa Ki Chai" ☕
Par ye sirf ek dukaan nahi thi…
Jo bhi student paise nahi de sakta tha,
use free me chai aur biscuit milta।
Bilkul waise hi jaise usse mila tha…
Ek din ek chhota ladka aaya,
kapde thode purane the, aankhon me sapne bade—
"Bhaiya… mere paas paise nahi hain…"
Ravi muskuraaya…
Usne us ladke ke sar par haath rakha aur bola—
"Jab bada aadmi ban jao… tab de dena… bas 5 rupaye samajh lena।"
Wahi lafz… wahi ehsaas…
jaise waqt phir se wapas aa gaya ho।
Ravi ne aasman ki taraf dekha aur dheere se bola—
"Maa… aaj aapka karz chukane ki shuruaat ki hai…
par sach me, ye kabhi khatam nahi hoga…"
Next part ...👉