Shahar ki bheed bhaad wali sadko par har din ki tarah subh ka sooraj dheere dheere apni roshani failane laga tha. Log apne apne kamo ke liye bhaag rahe the . Isi bhid me ek purana lekin saaf - sutra riksha chalata tha kishan.umar lagbhag 40 saal,chehre par mehnat ki laktre, lekin aankhin me sachhai aur imaandaari ki chamak.
Kishan ka jeevan aasan nahi tha. Vo din raat mehnat karta , taaki apne chhote se parivaar ka pet bhar sake. Uski patni aur ek chhoti beti thi, jise vo padhana chahta tha. Uska sapna tha ki uski beti padh likhkar ek achhi zindagi jeevan sake, jo use kabhi naseeb nahi hui.
Usi Shahar me ek boht bada industrialist rehta tha mahesh malhotra.uske pass dhan daulat ki koi kami nahi thi. Bade-bade bangale, badi-badi gaadiyaan,naukar-chakar sab kuch tha uske pass. lekin uske dil mein ek hi kamjori thi - uski beti siyaaa.
Siya boht hi sundar, padhilikhi aur samajhdaar ladki thii.lekin wo apne pita ki tarah ameer hote huye bhi jameen se judi hui thi. Use dikhava pasand nahi tha. Aksar vo apne college jane ke liye car ki bajaye auto ya riksha lena pasand kartil thi. Taaki wo aam logo ki zindagi ko samaj sake.
Ek din ki baat hai. Siyaa jaldi me thi aur uski car kharab ho gai thi. Usne sadak par khade kishan ko aavaj diii, "bhaiyya"college chaloge?"
Kishan ne muskurate hue kaha, " Haa bitiyaa, baith jaoo |"
Siyaa riksha mein baith gayi | Raste bhar usne dekha ki kishan boht hi shaalin aur imaandaar insaan hai | voh har mod par saavdhani se riksha chalata , traffic niyamo ka paalan karta.
jab college pahucha, to siyaa ne 100rs ka note diya | kiraya sirf 40rs tha.
Kishan ne turant 60rs vapas karte huye kaha , " bitiya, aapka baaki paisa."
Siyaa muskuraayi aur boli, " rakh lijiye bhaiyya aapki mehnat hai."
Kishan ne sar hilaya, " nahi bitiya, mehnat karta paisa hi achha lagta hai." Jyada paisa bina hak ka nahi chahiye.
Siyaa yeh sunnkar hairan ho gai. Itne bade Shahar mein jaha log thode jyada paise ke liye zagadte hai, vaha yeh aadmi binaa maange paise lauta raha tha.
Us din ke baad siyaa roj kishan ka hi riksha lene lagi. Dheere-Dheere dono ke beech ek apnapan sa bangale gaya. Siyaa aksar ussse uske parivaar ke baareme puchti aur kishan bhi khulkar baat karta.
Ek din siyaa ne pucha, "bhaiyya, aap apni beti ko padhate hain?"
Kishan ki aankhin mein chamak aa gai," Haa bitiyaan, mai chahta hoon ki woh khoob padhe aur kuch bangale jaaye. Meri tarah zindagi bharr mehnat na karni pade usee."
Siyaa ne ussi din mann mein thhann liya ki woh kishan ki madat karegi.
Kuch dino baad siyaa ne apni pitaa se kaha, " papa, kyaa hum kisi gareeb bachhe ki padhhai ka uthaa sake hai?"
Mahesh malhotra ne haste hue kaha," bilkul beta, yah to boht achha kam hai ."
Siyaa ne kishan ki beti ke baareme bataya. Pahle to mahesh ji ko vishwas nahi hua ki ek rikshawala itna imaandaar bhi ho sakta hain. Lekin siyaa ke kehne par unhone khud kishan se milne ka faisla kiya.
Agle din siyaa kishan ko apne ghar lekar gayi. Itna bada bangla dekhkar kishan thoda ghabra gaya.
Mahesh ji ne ussse puchha,"Kishan, agar tumhe jyada paise mile to tum kya karoge?"
Kishan ne bina soche jawab diya," sahab, jitna jarurat ho utna hi kaafi hain. Baaki kisi aur ke kaam aajaye tyachya hain."
Mahesh ji uske jawaab se boht prabhavit hue.
Unhone kaha,"mai tumhari beti ki puri padhaai ka kharch uthaaunga."
Kishan ki aankhon me aansu aagaye. Usne haath jodkar kaha,"sahab, aapne to meri zindagi badal dii."
Lekin siyaa ne kaha,"nahi bhaiyyya, yeh aapka imaandaari ka phal hai."
Samay bitata gaya. Kishan ki beti ne achhe school me padhai shuru ki aur dheere-dheere aage badhti gai.
Ek din aisa bhi aaya jab siyaa ki zindagi mein mushkil aahe gai. Uske pita ka business achanak ghaate me chala gaya. Kai log jinhone pahle unka saath diya tha, ab unse muh modne lage.
Siyaaa boht pareshan thi. Usi Samay use kishan ki yaad aa gai.
Vah sadak par gai aur kishan ko dhundhane lagi. Kuch der baad wo mil gaya.
"Bhaiyya" ... siyaa ki aankhon mein aansu the.
Kishan ne turant pucha, "kya hua bitiya."
Siyaa ne saari baat bta di.
Kishan ne bina ek pal gavayee kaha," bitiya, chinta mat karo. Bhagwan sab thik karega. Aapne meri madat ki thi, ab meri baari hai.
Siyaa hairan reh gai, " aap kya kar sakte hain bhaiyya."
Kishan ne kaha,"mere pass jyada paise to nahi hai lekin mere pass vishwas aur mehnat hai."
Agle din kishan apne kuch janne wale ko lekar mahesh ji ke pass gaya. Ve chhote-chhote vyapari the, lekin imaandaar the. unhone milkar mahesh ji ke businesss ko firr se khada karne ki madat kii.
Dheeree-Dheere halat sudharne lage.
Mahesh ji ko tab samaj aaya ki asli daulat paise me nahi, baaki achhe rishte aur imaandaari me hoti hain.
Kuch saalo baad kishan ki beti ek badi officer ban gai. Us din kishan ki aankhon mein garv ke aansu the.
Siyaaa bhi apni zindagi me aage badh chuki thi, lekin kabhi usne kishan ko nahi bhulaya.
Ek din siyaa ne kaha," bhaiyya, agar us din aapne mere paise rakh liye hote, to shayad hamari zindagi kabhi nahi badalti."
Kishan muskuraya,"bitiya, imaandaari ka rasta mushkil jarur hota hai lekin, manjiri hamesha achhi hoti hai.
Is kahani se yahi seekh milti haiki sachhai aur imaandaari kabhi bekaar nahi jaati. Chahe insaan kitna bhi gareeb kyo na ho, agar uska dil saaf hain, to voh ek din jarur safal hota hain.
Aur sach mein, us chhote se riksha mein baithkar shuru hui ek chhoti si mulakat ne kai zindagiyaan badal dii...