Meri zindagi ki sabse badi galti yehi hai ki maine 15 saal ki umar mein hi ek bahut badi galti kar di thi, jisse aaj tak mujhe chhutkara nahi mila.
Haan, woh galti yeh thi ki maine kisi ladke se pyar kiya aur usko hi apni poori duniya maan liya.
Hamara relation lagbhag 2 saal tak theek-thaak chalta raha, lekin kuch mahino se pata nahi kyun sab kuch badal sa gaya.
Jis insaan ko main apna maanti thi, wahi mujhse door hota chala gaya.
Jo insaan pehle mujhe chhoti si chot lagne par bhi ro padta tha, aaj usse mere rone par bhi koi farq nahi padta.
Sach to yehi hai ki shuru-shuru mein sab kuch accha hota hai, lekin kuch time baad log badal jaate hain.
Phir bhi main aaj bhi yehi sochti hoon ki shayad woh ek din mujhe samjhenge…
Lekin shayad woh kabhi nahi samjhenge.
Main apna dukh kisi ko bata nahi paati. Shayad meri is sachchi kahani se aap log woh galti kabhi na karein jo maine ki.
Aage main apni zindagi ki bahut si aisi baatein bataungi, jinhe padhkar aap log sochne par majboor ho jaoge.
Aaj ke liye bas itna hi…