Ek samay ki baat hai ek Bahadurpur gaw me Sonam naam ki larki ki paidaish hui . Uske gharwale khan pariwar se the . Uske abbu gaw ke sarpanch the. Sonam apne ghar ki sabse chhoti beti thi wah apne abbu ki sabse pyari beti thi. Uske abbu khan Shahab ke naam se mashhur the. Sonam ke abbu urdu aur english me bahut kuch jante the, Sonam ne apni dini talim apne abbu se hi li. Sonam ka pachpan bahut acche se gujra. Sonam ko padhai ka bahut sokh tha usne apne abbu se kehkar apne hi gaw ke school me naam likhwaya. Wah bahut khush thi kyunki wah apne pariwar ki pehli larki thi jo school padhne jaya karti thi. 17 saal ki umar me usne 1st rank se apni 10th pass ki. Wah aage bhi padhna chahti thi lekin uske abbu ammi ne uski shadi karwane ka faisla kar liya tha. 18 saal ki umar me Sonam ki shadi Meraj naam ke larke se ho gai. Meraj videsh me kaam karta tha aur 2 saal ke baad 2 mahino ki chutti me aaya hua tha. Shadi ke 2 mahine pure hone ke baad Meraj apne kaam ke liye videsh chala jata hai. Meraj ke jane ke baad uske ghar wale Sonam ko bahut pareshan karne lagte hai, use bura bhala bolne lagte hai wah kuch bhi khana banati hai to uska banaya hua khana kharab karke fek deti hai. Sonam bechari kisi se kuch bhi nahi kehti hai bs chup chap apne sare gam seh leti hai, kuch din bitne ke baad Sonam ke sasural wale ka attiyachar aur badh jata hai wah usse ghar ka sara kaam karwate hai aur 20_20 admi ka khana banwate hai, kuch galat hone par use pita bhi karte hai. Sonam shadi ke baad padhna bhi chahti thi lekin padh nahi pati thi , uske sasural wale use padhne ka mauka bhi nahi dete the. Kisi bhi tarah karke Sonam ka 2 saal guzar jata hai ab Meraj ke aane ka samay aa jata hai. Sonam ki sukhi chehre pe fir se mushkaan aa jata hai. Wah apne shohar ke aane ki khushi me sare ghar ko sajati hai aur uske liye bahut acche acche pakwaan banati hai, pakwan me ( Puri, khir, paratha,polaw panir aur bhi bahut kuch banati hai) aesa lagta hai aaj Eid ho. Meraj jab darwaze par aaya to use dekh kar Sonam itni khush hui ki mano usne Eid ka Chand dekh liya ho. Wah apne shohar se muh hath dhone ko bolkar unke liye dashtarkhan par khana saja deti hai. Dono sath me khana khate hai aur khana kha kar Sonam sukrane ki namaz ada karti hai aur Meraj khana kha kar so jata hai. Shaam ke 4 baje Meraj ke sare ghar wale sath me baith kar shaam ka nashta karte hai aur sath me Meraj apne laye hue gift sabhi ko deta hai_ apni ammi ko sone ki churi, behan ko sone ki anguthi, biwi (Sonam) ko sone ki chane aur baccho ke liye bahut sare chocolate deta hai. Ghar ke sabhi bahut kuch hote hai aur Meraj ko bahut sari duaaye dete hai. Meraj Sonam ko sabhi jagah ghumane le jate hai jaha- jaha unke rishtedar rehte hai. Ek din Meraj apne dosto ke sath ghume chale jate hai raat me ghar aate hai to acchanak dekhte hai uski biwi ko uske ghar wale pit rahe the, Meraj ko dekha n gya aur wah fauran apni biwi ko bachata hai. Jab Meraj Sonam se puchta hai kya ye pehle bhi ho chuka hai to Sonam kuch jawab nahi deti hai, fir wah puchta hai kya tum yaha khush ho toh wah rone lagti hai. Meraj ko bina kuch sune sab samay gya aur wah videsh jane ke pehle Sonam ka admission acche college me karwa deta hai aur use sonam ke ghar chhor kar videsh chala jata hai.
Meraj ke videsh jane ke baad use 1 beti hoti hai, Meraj ye khabar sunkar fule nahi samata hai. Sonam bhi bahut khush hoti hai aur apna padhai jari rakhti hai aur acche number se wah inter bhi paas kar leti hai. Meraj ka 2 saal to pura ho jata hai lekin wah is baar nahi aata hai aur uske company Wale uska samay 2 saal aur badha dete hai. Sonam inter karke apna padhai rok deti hai aur apni beti ki parwarish me lag jati hai. Sonam apni beti ka naam Noor rakhti hai aur Noor hamesha bimar hi rehti hai. Meraj apni beti se ghanto ghanta baat Kiya karta tha, aesa lagta hi nahi tha ki wah videsh me hai aur beti ke aane se Meraj ka man bhi laga rehta tha. Noor 2 saal me hi bolna shuru kar di wah apni pyari awaaz me apne abbu se bahut sari bate Kiya karti rehti Meraj apni beti ka awaaz record kar ke free samay me suna karta tha aur khud hi khud hasa karta tha. Meraj ka man karta tha kab uska samay pura ho aur wah kab apni beti se milne ke liye ghar jay. Sonam ko Noor bahut tang Kiya karti thi aur yah sab video call par dekh kar bahut hasa karta tha.
Ab wah din nazdeek tha jiska Meraj ko beshabri se intijaar tha wah apni beti ke liye bahut sari saman kharid kar rakhe hue tha. Wah is baar 4 saal baad ghar aa raha tha Sonam bhi apne sasural aa gai aur apne shohar ke aane ka intezaar karne lagi. Lekin yah intezar, intezar hi rah gya. Meraj ghar n aa saka aur videsh me hi kaam karte dawran 20th building se girne ke kaaran maut ho gai.
Sonam ko ye khabar 2 din baad mili. Yah khabar sunkar Sonam ke paw ki jamin khisaq gai. Sonam ke sohar ka death body bhi nahi aa saka aur use wahi Makka me dafna diya gya. Meraj ke inteqal ke baad ke Sonam uska sara kaam karwati hai, aur jaise hi iddat pura ho gya iske sasural use apne ghar se nikal dete hai aur use accept nhi karte hai aur n hi apne poti par unko taras aata hai. Sonam ab puri akeli ho jati hai, Sonam ke ghar wale use apne ghar le jate hai. Meraj ke inteqal ke baad uske company se 5 lakh ka Sonam ke naam se check aata hai. Ye paisa nikalne me Sonam ko lag bhag 6 mahine lag jate hai tab jakar use yah paisa bahut mushkil se milta hai. Sonam yah paisa me se 1 lakh apni beti ke naam se bank me rakh deti hai aur baki paiso me se kuch uske rishtedar maang lete hai aur uske baad jo bhi paise bachte hai usme se wah apne padhai ko shuru kar ke kharcha karti hai. Jab Sonam ke sare paise khatam ho jate hai to wah lachar ho jati hai, use koi puchne wala nahi rehta hai. Sare rishtedar bhi usse muh fer lete hai. Sonam bahut pareshan hone lagti hai Noor bhi padhne layak ho jati hai
Usko kaise padhai, kaha padhay wah bs ye sab sochti rehti thi. Sonam apni beti ka admission apne gaw ke sarkari school me karwa deti hai. Ab Noor bhi school acche se Jane lagti hai, Noor padhne me bahut tej thi. Sonam ko paiso ki kami ho gai thi. wah apne gaw ke 1 private school me teacher ke liye select ho gai thi 2 din jane ke baad unke bhai ko pata chala to wah uska jana waha mana kar diya. Ab wah school Jana bhi chhor di. 1 mahine baad fir Sonam ko 1 choching ka offer aaya aur uske bhai ne ye kaam bhi use nhi karne diya. Ab Sonam bahut nirash ho gai use samajh nahi aa raha tha ab wo kare to kya kare ghar ka hi kaam kiya karti thi aur ghar me hi raha karti thi. Sonam future me kuch karna chahti thi aur apni beti ko doctor banana chahti thi. Noor ka doctor banna Meraj ka sapna tha aur Sonam use pura karna chahti thi. Sonam ko gaw ke sabhi log bahut kuch kaha karte hai, Sonam sab ki bato ko chup chap suna karti thi aur raat hone par Allah se ro -ro kar dua Kiya karti thi . Logo ka tana sunne ke baad bhi Sonam ne haar n maani aur apna padhai jaari rakha. Padhai karne ke karan uske ghar walo ne use apne ghar se nikal diya. Ab Sonam kare to kya kare, fir usne 1 kiraye ke ghar me rehne lagi. School bhi ab padhne Jane lagi aur free samay me silay bhi karti thi. School ke paise se ghar chalta tha aur silai ke paise ke dono maa- beti padhai Karti thi. Kuch saal bitne ke baad Sonam ab sarkari school ki teacher ban gai thi. Wah bahut khush thi aur apni beti ko acche se padhane ke liye wah paisa jama karne lagi. Teacher banne ke baad Sonam apne liye 1 bara ghar kharid leti hai. Noor ka 12 th paas hone ke baad Sonam use Neet ki tayyari karne ke liye Kota bhej deti hai. 1st attempt me hi Noor neet clear kar deti hai aur apne abbu ammi ka sapna pura karti hai.Sonam ke sare kiye gye mehnat aaj rang le aaye aur uske sare dukh bhul kar khushi ke din aa gye.