Pratyek vyakti ki dadi maa ki tarah, meri dadi maa bhi ek vriddh mahila thi. Vah bees varsh se vesi hi vriddh evam dhundhli padi hui dikhai deti thi jaise ki main unhe jaanta tha. Log kaha karte the ki kisi samay vah yuva aur bahut sundar thi aur yahan tak ki unke ek pati bhi tha, lekin yah sab kuch vishwas karna mushkil hi tha.
Mere dadaji ka roop-chitra baithak (swagat kaksh) mein chimni wali angithi par bani takti ke upar latka hua tha. Vah ek bada-sa safa tatha dhile-dhale vastra pehne hue the. Unki lambi safed daadhi unke vaksh-sthal ke kaafi hisson ko ghere hue thi aur vah kam se kam ek sau varsh ki aayu ke dikhai dete the.
Vah is prakar ke vyakti dikhai nahi dete the jisse ki koi pati aur bachche hon. Vah aise dikhai dete the mano ki unke bahut se naati-pote tatha potiyan ho sakti hon. Jahan tak meri dadi maa ka sawal hai, unka yuva tatha sundar hone ka vichar hi ek bahut badi halchal paida karne wala tha.
Vah humein aksar un khelon ke baare mein bataya karti thi jo vah khela karti thi jab vah ek chhoti balika thi. Unki kriyaon ke roop mein yah sab bilkul bhola-sa tatha asamanya-sa dikhai padta tha aur hum unhe sirf purushon ki kahaniyon ke roop mein hi samajhte the jo vah humein sunaya karti thi
Lekin kuch esa ho jayega kabhi nhi socha tha