Kaunsi deal?" usne cautious tone me pucha.
Rudra uske bilkul paas aaya aur dheere se bola—
"Tum mujhse shaadi karo… aur tumhare papa ka debt… aur case… dono khatam."
Aarohi ko laga jaise waqt ruk gaya ho.
"WHAT?!" wo cheekh padi,
"Main tumse shaadi karun? NEVER!"
Rudra ne bina gussa kiye apni watch dekhi.
"Tumhare paas zyada time nahi hai," usne thande andaaz me kaha,
"ya to shaadi… ya jail."
Aarohi ne turant apne papa ki taraf dekha.
Unki aankhon me aansu the… aur ek helpless si request.
"Beta… please…" unhone dheere se kaha.
Aarohi ke aansu gir gaye.
Agar wo mana karti —
to uske papa jail chale jate… sab kuch khatam ho jata.
Aur agar wo haan karti —
to usse apni zindagi ek aise insaan ke saath bitani padti jise wo sabse zyada nafrat karti thi.
Rudra chup khada usse dekh raha tha… jaise usse pehle se pata ho uska decision kya hoga.
Aarohi ne aankhen band ki… ek gehri saans li…
Aur fir dheere se kaha—
"Theek hai…"
Room me silence chha gaya.
"Main… shaadi karungi."
Rudra ke lips par ek halki si jeet wali smile aa gayi.
"Good choice," usne dheere se kaha,
"Mrs. Aarohi Rudra."
Aarohi ka dil toot chuka tha.
Par usse abhi tak ye nahi pata tha…
ki ye shaadi sirf majboori nahi,
balki ek dangerous game ki shuruaat hai…
jahan shayad Rudra ka asli maksad kuch aur hi tha.
Continue for next part.....