Shehar se milon door, ghane junglon ke beech ek purani haveli khadi thi log kehte the ki us haveli ki deewaron mein aaj bhi purane zamane ki siskiyan qaid hai . aaryan jo purani cheezon ki aur vintage photography ka shaukeen tha, us ne faisla kiya ki woh is haveli ki asliyat ko apne camera mein qaid karega
Raat ka waqt tha, halki baarish ho rahi thi aaryan apni purani motarcycle par sawar , baggy jeans aur ek purani jacket pehne us taraf nikal pada jab woh haveli ke phaatak par pahuncha , toh wahan ka sannaata itna gehra tha ki use apni saans lene ki awaaz bhi saaf sunayi de rahi thi. usne apna camera nikala aur haveli ki black and white tasveerein khinchni shuru keen
Haveli ke andar dakhil hote hi aryan ko ek ajeeb si thandak ka ehsaas hua . har taraf dhool aur makdi ke jaale the usne apne sunglasses nikaal kar bag mein rakhe aur flash chala kar andar ki tasveerein lene laga har click ke saath ,use aisa lagta jaise koi uske peeche khada hai
Jab usne ek purane aayine (mirror) ki photo li, toh screen par dekhte hi uske hosh ud gaye . tasveer mein uske peeche ek kaali parchai khadi thi,lekin jab usne mud kardekha, toh wahan koi nahi tha aaryan ne socha ki shayad yeh roshni ka dhoka hai, lekin uske dil ki dhadkan tez ho chuki thi
Aaryan haveli ki upri manzil par gaya wahan ek purana gramophone rakha tha jo apne aap chalne laga usme se ek dard bhari dhun nikal rahi thi . Aaryan ne himmat karke us kamre ki ek vintage monochrome photo khinchi.
Jab usne camera ki screen par us photo ko zoom kiya toh usne dekha ki kamre ke kone mein ek purani kursi par koi baitha hai, woh ek purane libas mein malbus ek shaks tha , jiska chehra dhundla tha lekin uski aankhein chamak rahi thi aaryan ko mehsoos hua ki woh shaks use hi dekh raha hai achanak , haveli ke saare darwaze khud-ba- khud band hone lage.
Aaryan ne bhaagne ki koshish ki, lekin rasta bhatak gaya. Woh ek aise kamre mein pahuncha jahan charon taraf sirf kali-safed tasveerein lagi thi. un sab tasveeron mein wahi motarcycle thi jo aaryan bahar chhod kar aaya tha, aur har tasveer mein drivar ka chehra aaryan jaisa hi tha .
Use samajh aa gaya ki yeh haveli waqt ke ek aise chakkar mein phansi hai jahan se nikalna namumkin hai . usne aakhri baar apna camera uthaya aur apni ek selfie khinchi flash ki roshni mein usne dekha ki uski shirt par khoon ke nisaan hain, jabki haqeeqat mein aisa kuch nahi tha .
Subah jab kuch log wahan se guzre , toh unhe haveli ke bahar sirf ek purani motarcycle khadi mili aaryan ka kahin pata nahi tha . bas wahan ek camera pada tha jisme sabse aakhari tasveer ek aise sgaks ki thi jo bilkul aaryan jaisa dikhta tha, lekin woh tasveer 50 saal purani lag rahi thi
( Ye kahani ka raaj aaj bhi kisi ko nahi pata hai)