1: Achanak hadsa.
Ek din ki subah Sanjay roj ki tarah ghar Se khushi- khushi Kam per jaane ke liye nikala, aur vah kam per aaram se pahunch gaya. Aur man lagakar kam karne laga kam karte -karte lunch ki bell lagi Sanjay apni tiffin box ko kholta hai aur aaj uska pasandida sabji bani thi, usne pet Bhar khana khaya aur wapas kam mein lag gaya. Sanjay ki office se chhutti hone se pahle ,vah apni maa ke liye gift kharidta hai aur kam karne lagta hai. Office mein sabhi log apna kam karke ghar chale gaye .Sanjay akele bahut der ak kam kar raha tha .Vah achanak diwal ki ghadi Ko dekha jismein raat ke 11 baj rahe the .Aur vah socha aaj to bahut der ho gai hai maa ghar mein intezar kar rahi hogi .
Aaj ka Mausam bahut ajeeb tha A
aasman mein kale badal chhae hue the, aur halki halki barish ho rahi thi .Sadak bhi sunsan ,Khali tha Sanjay gadi ki chabi lekar jaldi ghar jaane ke liye nikala ,aur vah jaldi -jaldi mein apna helmet vahi bhul gaya. Aur gadi ko teji se chalate hue ghar ke liye nikala ikal gaya.
Vah bahut teji se gadi chala raha tha uske chehre per halki chinta aur dar saaf dikhai de raha tha. vah bar-bar apni ghadi ki or dekh raha tha .usse raste mein uska dost mila, jise apni gadi mein baitha liya, aur vah khud Se kaha ki "man intezar kar rahi hogi ".Usne gadi ki speed aur tej kar li. Aaj ka din uske liye bahut lamba tha .Office mein kam ka dabav bahut tha ,ki use der ho gai. Upar se phone ki battery bhi khatm ho gai jisse vah apni maa ko bata nahin paya. Ki vah der se ghar aaega .Barish bahut tej ho rahi thi ,sadak bahut fishalan bhari thi .Lekin Sanjay ke pass rukne ka samay nahin tha. Use bus jaldi ghar jana tha. Achanak hawayen bhi tej ho gai ,sadak ke kinare lage tree aur bijali ke khambe tak hilne lage . Sanjay dhyan se aage dekh Kar chala raha tha uske dost ne kaha speed thodi kam kar lekin Sanjay speed Kam nahin Kiya. Use sadak per achanak ek pul najar aaya jo hamesha se thoda khatarnak mana jata tha .Lekin Sanjay us raste se roj gujarta tha isliye use laga sab theek rahega. Jaise hi vah pul ke kareeb pahuncha uski bike ki speed abhi bhi tej thi. Usne speed kam karne ki koshish ki per kuchh ajeeb hua, bike ki speed kam hone ka naam nahin Le rahi thi. yah kya Sanjay ke chehre per ghabrahat a gai ,usne dobara jor se break dabaya lekin bike Jaise uski baat nahin man rahi thi uske dil ki dhadkan tej ho gai samne ka pul teji se kareeb a raha tha .uski bike control se bahar hoti ja rahi thi. vah bola " nahin... nahin... ."
Uska dost dar gaya Sanjay ne bike ko sambhalene ki koshish ki per barish aur fislan ki vajah se bike nahin sambhal pa raha tha. Tabhi achanak samne se tej roshani uski aankhon mein padi ek badi gadi samne se a rahi thi Sanjay ki aankhen kuchh pal ke liye chandiya gai .Usne turant bike ko morne ki koshish ki lekin bike fisal gai. Aaspaas ki khamoshi ekadam se Tut Gai .Bike sadak per dur tak fisalti chali gai aur Sanjay aur uska dost hawa mein uchhal kar sadak ke kinare jagir pade. Uska dost sadak ke kinare ghas mein Ja gira kintu Sanjay pass pade pathar per gir pada jisse uska sir bahut gehra laga .
Barish abhi bhi ho rahi thi uska dost bilkul theek tha daudte hue Sanjay ke pass gaya Sanjay ko uthaya kintu Sanjay behosh pada tha uske sir se khoon bah raha tha .Uske dost ne turant apna phone nikala aur ambulance ko call kiya .Sanjay ki saanse dhimi chal rahi thi .
Ambulance ki awaaz sunkar, aaspaas ke log ghar se bahar nikale aur dekha ki yahan accident ho gaya hai.
Bheed mein Khade ek bujurg aadami Ne Sanjay ki bike ko dekha ,Jo dur per Giri hui thi vah uske pass gaya aur jhuk kar use dekhne laga fir unke chehre per ajeeb chinta a gai "yah break .." unhone dhime se kaha .
Uski baat sunkar pass khade Sanjay ke dost aur kuchh yuvakon ne poochha kya hua bujurg aadami ghari sans lekar bola. Mujhe lagta hai ,yah sadharan accident nahin hai udhar ambulance aane lagi log rasta saaf karne lage .Lekin use aadami ki baat ne sabke man mein ek naya sawal paida kar diya tha .
Kya yah sirf ghatna tha.
Ya iske piche Koi Raj chhupa hai.