التكبر:
التكبر مش بس شعور بالنفس،
هو سلوك بيظهر في تصرفاتنا وكلامنا وطريقة تعاملنا مع الناس.
التكبر بيخلي الإنسان يحس إنه أعلى من غيره، وده غالبًا بيبعده عن الحقيقة،
وبيخلي علاقاته مع الناس متوترة ومليانة مشاكل.
التكبر مش بس شعور بالنفس،
هو أوحش درجات الغرور،
هو مش بس إنك تشوف نفسك أحسن،
ده إنك تبص للناس من فوق،
وتحس إن محدش يستحق يكون زيك،
ولا حتى يتكلم معاك.
المتكبّر دايمًا بيعيش في عالم لوحده،
شايف نفسه كامل،
وشايف الكل ناقص،
ما بيسمعش غير صوته،
ولا بيشوف غير رأيه،
ولو حد نصحه، يهاجمه بدل ما يسمع له.
التكبر بيفسد القلب قبل ما يفسد العقل و العلاقات
لأن اللي قلبه مليان تكبر. ما يعرفش يحب،
ولا يقدّر الناس، ولا يشوف الخير في حد.
هو دايمًا شايف نفسه فوق، وكل الناس تحته.
المتكبّر ممكن يكون غني،
أو عالم، أو صاحب منصب،
بس الحقيقة إنه أفقر إنسان،
لأن اللي ما عندوش تواضع ما عندوش قلب.
التكبر يخليك تخسر الكل من غير ما تحس،
الناس بتبعد، والحب بيبقي بارد مفهوش شغف
والاحترام بيتحول لغرور.
لأن محدش بيحب اللي شايف نفسه أعلى من الكل.
وفي الحقيقة،
اللي يتكبر بينسى إن ربنا هو اللي رفعه،
وانه بكلمة منه ممكن ينزل لتحت في لحظة.
زي ما قالوا زمان:
"ما طار طير وارتفع… إلا كما طار وقع."
التكبر مش قوة،
ده ضعف في صورة غرقانة في طين
الضعف بيحول صاحبه لخيبه ورا كلام كبير ونظرات فوقية،
لكن من جوّاه فاضي،
عايز الناس تصدّق إنه مهم علشان يصدق هو نفسه.
خلي بالك
اللي بيتكبر النهارده…
ممكن بكرة يحتاج اللي كان بيستصغره،
وساعتها يعرف إن الكلمة الحلوة والتواضع
أغلى بكتير من الكبرياء الزايف.
في النهاية.....
التكبر مش بيكبرك،
ده بيصغّرك في عيون الناس،
وبيبعدك عن ربنا،
لأن ربنا ما بيحبش المتكبرين،
وبيقرّب بس من القلوب اللي تعرف قيمتها من غير ما تتعالى.
خليك كبير بتواضعك،
مش بكلامك،
وخليك محترم برائيك
مش بتفتخر بية....