Yeh Document Ek Kahani batata Hai Ek nayi student Jasper Jean Mariano ke bare mein jo Higher value International School mein transfer hoti hai aur apni classroom dhundhne aur vahan adjust hone Mein challenges face Karti Hai Kafi embarrassing situation ke bad, Jaise galti se wrong section mein enter kar lena, vah apni classmate se milati hai aur dheere dheere apne naye environment Mein adjust karna Shuru Karti Hai especially class president Keifer ke sath interactions mein.
Story anxiety, social interaction aur naye School setting Mein adjust karne ke struggle Jaise themes ko highlight karti hai
Chapter 1: Transfer
Jay-jay's: Pov:
Haaaaaa!!!! Oh my gosh! Mai itni nervous hoon, aur saath hi saath mujhe lag rha hai jaise mujhe washroom jana hai. Hehe.
Aaj se main Higher Value International School mein padhungi. Fancy naam hai, hai na?
Main lagbhag use room ke pass pahunch chuki ho ja register's office ne mujhe bataya tha. Mere registration paper ke hisab se, main 4th year high school ke Section E mein hoon. Main Yahan Isliye aayi hun kyunki mere records itne acche nahin the. Main unhe blame nahin kar sakti; Apne purane school mein main kafi troublemaker thi.
Main room ki taraf chalti rahi. Sach kahu to school bahut beautiful hai, bade spacious ground hai aur itne sare pedo ki vajah se atmosphere ki bhi kafi refreshing hai. Mujhe lagta hai mujhe yahan pasand aa sakta hai. I hope so.
Jab Main classroom ke pass pahunchi, maine dekha Kuchh ladke door Ke Pass Khade Hain total Panch the aur unmen se koi bhi apni uniform properly nahin pahna hua tha. Thoda intimidating lag raha tha, lekin Jaise Kahate Hain, "Don't judge a book by its cover".
Main unke pass gai. Sab Ne baat karna band kar diya aur meri taraf mud gaye. Sab Ne Mujhe Ajeeb si looks di. Okay, yeh thoda scary hai!
" Uhhmm.... G-Guys, kya yeh Section E hai?" Main hakla kyon rahi hoon? Kitna embarrassing hai!
Woh ek dusre ko dekhne lage, fir dobara meri taraf mud gaye. Aisa lagta hai Jaise vo mujhe sar se pair tak scan kar rahe ho. Kya eere look mein kuchh galat hai??
"Yahan nahi.... Doosri building mein hai, " Brown hair wale ladke ne kaha.
"Huh? Register ne to kaha tha yahi hai___"
"Tumhara ho gaya! To yahan se nikal jao! " Lollipop pakde hue ladke ne chillakar kaha.
Uske chillane ki wajah se main darr gai, isliye main jaldi se wahan se bhaag gai. Seriously! Kya use mujh per chillana zaroori tha? Agar main yahan new na hoti....toh tum log mushkil me hote.
Bell baj gai, jo signal tha ki class start hone wali hai. Tab tak main abhi bhi apni classroom ki taraf ja rahi thi. Ugh! Maine apni speed teez kar di, dusri building abhi bhi kaafi dur thi.
Jo ajeeb baat hai, jis building se main aai thi woh campus ke bilkul Kone mein hai, aur lagta nahin Ki vahan students zyada aate hain. Building khud abhi bhi theek condition mein hai lekin paint thoda hat chuka hai, Kafi vandalism hai, aur purani kursiyan ya Tuti hui equipment idhar udhar padi hai. Usmein 2 floors hai aur total 4 ya 6 rooms Honge. Mujhe nahin Pata sab use ho rahe hain ya nahin.
Ab main jis building ke samne Khadi hun, woh bilkul new hai, fresh paint ke sath. Usmein 4 floors aur bahut Sare rooms Hain , Kuchh mein to air conditioner bhi hai. Fancy!!
Main jaldi se building ke andar gai apna room dhundhne. Main Kafi minute se chal rahi hun per mujhe mil hi nahin raha main andhi nahin hoon; bas Section E ka room locate nahin kar pa rahi.
Phir mujhe ek classroom dikha jiske door per name plate lagi thi. Sirf "Section" likha tha, lekin ek mark clearly letter "E" show kar raha tha.
Shayad yehi hai!!
Main turant andar chali gai. Mujhe dekhte hi students ruk gaye. Lagbhag 20 Se Jyada students the.
Maine teacher ko dhundha, lekin woh vahan nahin the. To main seedha piche wali ek khali seat per baith gai.
Unki nazrein abhi bhi mujh per hi thi.
"Kya yah transferee hai?"
"Cute hai, bro! "
"Hamare pass new student aayi hai kya?"
Woh log dheere dheere whispar kar rahe the. Honestly mujhe sharm aa rahi thi, ya zyada sahi kahun to irritation ho rahi thi. Mujhe pasand nahin hai jab log mere bare mein baat karen aur main unki conversation ka topic ban jaun. Main Bus apna bag hug karke sar Jhuka kar baithi rahi.
"Hii!" Kisi ne pass aakar mujhe greet Kiya.
Maine upar dekha aur mere samne ek ladki khadi thi. Woh beautiful hai....hehehe... Kya tum angel ho?
Woh pretty hai. Uske lambe baal hain aur fair skin hai. Woh tall bhi lag rahi hai, shayad mujhse bhi lambi.
"H-Hello.....ma'am" Maine use greet kiya. Mujhe sharm aa rahi thi.
"Mujhe 'ma'am' mat bolo; shayad hum same age ke hain. "
"Ahh... Okay. "
"Tum new ho? " Usne chair khinch kar poocha. Woh mere samne baith gayi.
"Y-Yes.... Main new hoon. "
"Tumhara naam kya hai? " Usne pyaar se poocha.
"Jasper Jean Mariano, short mein Jay-jay, " maine smile ke sath jawab diya.
Yay! Ab main thoda comfortable feel kar rahi hoon.
"Main Rakki... Class president." Usne apna haath aage badhaya, aur humne shake kiya.
Uska naam kitan cool hai! Us par suit karta hai.... hehe.
"Jay, tum sure ho ki tum right section mein ho? " Usne achanak poocha.
Mai confused ho kar uski dekhi, phir maine sar hila diya.
"Mujhe jitna pata hai, ek transferee hai, lekin use Section E mein hona chahiye, yahan nhi."
Oh no.... Maine galat section me entry kar li. Crap!
"Umm.... ye kaunsa section hai? " Maine Rakki se dheere se poocha.
Puri class hume dekh rahi thi. Kitna embarrassing hota agar unhe pata chal jaata ki main galat section mein aa gayi hoon.
Kitna embarrassing!!
Rakki thoda pass aayi aur dheere se boli, "Section C."
Shit!! Mai galat thi!! Damn it!!
Main dheere se khadi hui aur door ki taraf chalne lagi. Maine apna sar jhuka kar rakha.
Mujhe mat dekho.... Please.....
Main lagbhag door tak pahuch gayi thi jab tab Rakki ne achanak mujhe rok liya.
"Kahan ja rahi ho? Ma'am abhi aane wali hain."
Majboori mein Maine gehri saans li aur uski aankhon mein dekha.
"Rakki..." Maine shuru kiya, "... Mai galat section mein aa gayi thi."
"Pffft..... Mujhe pta tha!! " Woh zor se hasne lagi. Uske classmates bhi hasne lage.
Oh my God!! Zameen phat jaaye aur mujhe nigal le!!
Main dheere se room se bahar nikal gai, aur door jane ke baad bhi mujhe unki hasi sunai de rahi thi.
Kitna embarrassing! Bahut zyada! Itna annoying!
Main jaldi se Section E ki building ki taraf bhagi ___ asli Section E!
Un ladkon ko sambhal ke rahna chahiye! Yeh sab unki galti hai. Agar unhone mujhe uss building ki taraf na bheja hota, toh mai galat section me nhi jaati. Kitna annoying! Unhe yeh humesha yaad rahega __ poori Section C ke saath!
Mai room tak pahuchi aur gusse wale face ke sath andar gayi. Lekin..... galat move!!
Ek teacher padha rahe the, aur woh ruk kar mujhe dekhne lage. Oh no!
"Ji? Unhone mujhse poocha.
Maine khud ki sambhala. Jaldi se apne registration papers nikale___ ruk, pehle confirm toh kar loon!
" K-Kya ye Section E hai? " Maine himmat karke poocha.
Teacher ne sir hila kar haan ki aur mujhe dekha. Maine turant apne registration papers unhe de diye.
"Ahh.. Tum transfer student hi. Main tumhara intezar kar rha tha." Unhone mujhe aage bulaya aur apne pass front mein khada kar diya. "Main Mr. Alvin Siongco hoon."
Maine unhe smile diya, aur unhone signal kiya ki main poori class ko apna introduction doon.
Maine turant un ladkon ko notice kiya jinse main pahle mili thi. Yeh jerks! Inhone sach mein mere sath mazaak kiya.
Maine unhe gusse wali nazar se dekha, umeed karte hue ki unhe mere gusse ki intensity feel ho. Lekin woh bewakoof bas hansi dabakar giggle kar rahe the, sirf woh lollipop wala ladka nahi has raha tha.
"Class! Silent please...." Sir Alvin ne phir meri taraf dekha. "Chalo, apna introduction do."
Maine gehri saans li. "Mera naam Jasper Jean Mariano hai. Aap mujhe Jay-Jay bula sakte hain. Mai Hily Saints High School se hoon."
Puri class bas mujhe ghur rahi thi. Zyadatar log mujhe bored look de rahe the. Sirf woh lollipop wala ladka alag tha; uska face bilkul poker face jaisa tha.
Class president.... Kya tumhare pass koi question nhi hai?" Sir Alvin ne poocha.
Kisi ne jawab nahin diya. Lagta hai class president yahan nahin hai. Kya role model hai, class skip kar raha hai?
"Class President..." Sir Alvin ka tone thoda change ho gaya. Unhone seriously un ladkon ki group ki taraf dekha jinse main pahle baar ki thi.
"Tss...." Lollipop wale ladke ne kaha. Woh khada hua aur board expression ke sath mujhe dekha.
Ruko! yeh class president hai? No way!
"Question...." Sir Alvin ki aawaz ek order jaisi lag rahi thi.
Usne pehle saans bhari. "Kya tum abhi bhi virgin ho?"
Meri Aankhen shock mein phail gayi, aur puri class hasne lagi.
"Keifer!" Sir Alvin gusse me chillaye.
Woh smirk karte hue bola, "Aapne question bola....yeh bhi ek question hai."
Kitna disrespectful! Teacher ko bhi jawab de rha hai! Kitna arrogant!
Maine use gusse se dekha. "Sir Alvin ek decent se question ki baat kar rahe hain."
Lo! Maine English mein bhi bol diya! Bas meri himmat sath de.
Puri class turant "ooohhhhh" karne lagi. Class president, juse Sir ne Keifer bulaya, usne apni bhauen sikod li.
"Tumhe decent question chahiye? Okay.... Tum humare section se kab ja rahi ho?"
Class phir se "ooohhhhh" karne lagi.
Honestly, mujhe unki harkaton se irritation ho rahi hai, aur Keifer se to aur bhi zyada! Kitna arrogant hai! uski problem kya hai? Sirf isliye Kyunki uske pass position hai, kya woh khud ko sab kuchh samajhta hai?
"Tum? Tum is duniya se kab gayab hone wale ho?" maine tez tone mein jawab diya, Apne hath cross karke.
Puri class aur zor se "ooohhhhh" karne lagi. Sir Alvin bhi react kar gaye.
"Tum pahle Kyon nahin chali jaati?" usne smirk karte hue kaha.
"Kyunki main hi hoon jo tumhen is duniya se gayab karungi."
"Jaise tum kar sakti ho...."
"Haan, main kar sakti hoon...." Maine Sidhe tone mein kaha.
"Okay.... Okay... Tum dono bus karo. Keifer, baith jao, aur Miss Mariano tum bhi koi seat choose kar sakti ho, " Sir Alvin ne kaha.
Wow! Main abhi isse khatam nhi hui hoon.
Usne mujhe dirt, lekin maine seat dhoondhne per focus kiya. Baad mein dekh lungi tumhe!
Waise problem nahi thi Kyunki Kafi empty seats thi. Bus zyadatar khali seats beech mein thi.
Japan Ki tarah yahan tables aur charis purane hain. Yahan 20 se zyada pairs hain tables aur chairs ke. Lekin zyada students peeche aur side mein baithte hain.
Unka arrangement letter U Jaisa hai. Beech ka hissa mostally Khali hai. To main wahin jakar baith gai. Main apni seat per bilkul loner jaisi lag rahi thi.
Is class ke bare mein aur bhi surprising Baat yeh hai, seating arrangement ke alawa, yahan se 15 ya 16 boys hi hai, aur ek aur baat.....
Maine abhi tak koi ladki nahin dekhi ho sakta hai woh aaj absent ho.... Kal aaye.