Ye baat hai June 2019 ki jab mere Nanaji ki death hogai thi . Unko mouth can.... tha or vo pichle 1 sal se apna ilaz bhi karwa rhe the. Unki 2 chemo ke baad vo thode thik bhi hue the and jab unko car se ghr laya jarha tha to vo car me chal rhe music par dance bhi krhe the. Do din rest ke baad achanak hi unke stitches hat gaye and bht sara blood pure room me fail gya. Unko dobara hospital legaye or is bar hospital bed par hi unhe cardiac arrest aya or.....
Meri mummy ko ab nani ke ghr jana tha jldi se jldi. Mummy ko mama ne tab tak ye nhi btaya tha ki aisa hua hai unhone bas yahi kaha tha ki emergency hai jldi se ana pdega. Fir mummy papa ke sath gayi. Or meri bhn us time bht choti thi lgbhg 2 saal ki to mummy usko leke nhi gai or bas anan fanan me gai. Vaha Jake pta chala ki aisa hogya. Ab har trf udaasi ka mahol tha. Lekin mummy 2 din me hi vapas agai thi kyuki meri bhn jada din unke bina nhi reh skti thi. Ab hme death ke baad hone vale rituals me shaamil hona tha to hm sabko jana tha kuch dino ke liye. Ab hm gaye nani ke ghr.
Mai apko is story me apne sath hue 5 ghost experience ke bare me btaugi.
Experience (1)
To ab rituals me khana khilana tha pandito ko to uski taiyari chal rahi thi. Fir jab hm ghr ke logo ko khana khana tha to mai or mama vaha ek table pr baith kr khana kha rahe the ghr ke andar hi. Or side me Nanaji ka photo frame rkha tha jispe Maala chadhna baki tha. Mama ne mujhse khana khate time bola ki Chahal bhi lelo. Mai generally Chawal nhi khati to mne mana krdiya. Tab unhone kaha ki chahe mai thoda hi lu pr jrur se lu. Us time mujhe ek baat yad agai jiski vajah se mujhe bht tez dar laga. Vo baat ye thi ki jab Mai isse pehle nani ke ghr aai thi to mai nanaji ke sath baith kr khana kharhi thi or us time bhi mne chawal khane se mana krdiya tha or unhone bhi mujhe ekdm isi tarike se kaha tha. Mujhe laga ki mama ne to bilkul usi tone or andaz me ye baat boli hai to mai dar gai or vaha se jldi se uthkr apne bartan rkhke hath dho rhi thi. Or mama bhi khake uth chuke the. Or jab mai apne hath towel me poch rahi thi tab Nana ka photo frame us table pr rkha hua apne aap hi girgya. Vo gira table par hi lekin ek jor dear awaz ke sath. Iske baad ghr ke sare log dekhne agaye ki ye kse hua. Itni jor se awaz hui ki Mano kisi ne frame ko utha kar patak diya ho. Us samay table pr koi bhi nhi baitha hua tha. Fir mama logo ne frame ko sahi se rkha or thodi der ke liye to sare sann reh gaye...
Experience (2)
Usi raat ki baat hai ki ghr ke kuch logo ko unki presence feel hui or sabne is chiz ke upar discussion bhi kiya. Kuch time ke baad sab sogaye par mai jaag rahi thi or apni nani ki pith par khade hoke unki massage krhi thi. Side me kitchen tha vaha meri masi or choti nani kaam krhe the. Raat ko almost 2 baje the or jis room me mai thi uske samne aangan hai or samne 2 room hai side to side. To mai ek room ke andar dekh rahi thi to suddenly vaha black shadow appear hui. Room ke Bahar light jal rahi thi to pure aangan me light thi or thodi room ke andar bhi light thi. Vo shadow aai or mujhe bilkul yakin nhi horha tha us time par ki mai kya chiz dekh rahi hu. Us time mai koi nind me nhi thi mne apni eyes ko do teen bar rub bhi kra ki kya sach me ye mere samne hai ya mera koi vehem hai. Vo shadow 6 ft height ki thi. Uska shoulder, body structure sab kuch saf saf dikhrha tha. Bas uski ankhe nhi thi face bhi black tha. Or vo mere samne 5 minute tak khadi thi or hm dono ek dusre ko dekh rhe the. Itni der me mne apne aap ko pinch kra, apni ankho ko bada krke dekha ki pakka ye mera koi vehem nhi hai. Uske baad vo mere dekhte dekhte hi side hui diwar me touch hui or ekdm disappear hogai. Tab tak mujhe koi dar nhi laga tha par ab mne usko challenge dete hue bola ki Himmat hai to firse mere samne aa...
Mne ye baat 4-5 bar boli or fir jo hua....
Uske baad mujhe bht jada dar lag gya