The Night Everything Changed
Us raat aasman ajeeb tha.
Chaand poora chamak raha tha, lekin hawa me ek ajib sa bojh tha, jaise kuch bura hone wala ho.
Arin chupchaap jungle ke kinaare khada tha. Uski aankhon me dar bhi tha aur sawal bhi.
"Ye jagah hamesha se aisi thi kya?" usne khud se poocha.
Us gaon me ek purani kahani mashhoor thi.
Log kehte the, jo is jungle ke andar gaya… wo kabhi pehle jaisa wapas nahi aaya.
Arin ne kabhi in baaton par vishwas nahi kiya.
Lekin aaj uska dil tez dhadak raha tha.
Achaanak hawa tez ho gayi.
Ped hilne lage.
Aur phir… ek awaaz.
*Dhoom…*
Zameen halki si kaanp uthi.
Arin peeche muda.
Jungle ke beech ek purani paththar ki murti chamak rahi thi.
Us par bane nishaan dheere-dheere roshni dene lage.
"Ye kya hai…" Arin ke muh se bas itna hi nikla.
Jab usne murti ko chhua,
to ek tez roshni uske shareer me sama gayi.
Us raat Arin nahi jaanta tha…
ye sirf shuruaat thi.
Agla din poori duniya badalne wala tha.
Agar aapko ye chapter pasand aaya ho, to please ise apni library me add kare aur comment zarur kare.❤️