Meri zindagi ka us din ek hi sach tha --
Main haar chuka tha.
Office ki building ke bahar khada mein baarish me bheeg raha tha . Haath mein resignation letter tha ,aur phone me maa ka
Missed call.
Uthaya nahi.
Kya bolta ?
Ki unke bete ne phir se fail kar diya ?
25 saal ka ho chuka tha main.
Na Paisa , na izzat, na pyar .
School se lekar college tak log mujhe average kehte aaye the.
Office me boss ke liye main sirf ek
replaceable employeetha.
Aur jisse mein pyar karta tha... Uske liye main kabhi option hi nahi tha.
"Tum bahut aache ho...par tum mere type ke nahi ho ,"
ye line ab bhi kaam me gunj rahi thi.
Main sadak ke kinaare chal raha tha, dimag bilkul khaali..
Bas ek hi thought tha--
Kaash zindagi dobaara mil jaati.
Tabhi ek tej horn bajaa.
Sab kuch ek pal mein hua.
Lights , awaaz,dard...aur phir andhera.
Mujhe laga sab khatam ho gaya .
Par agle hi pal...
"Mujhe uthao ! Late ho jaaoge school ke liye !"
Ankhe khuli to main hichkichaa gaya.
ye awaaz...
Maa ki thi .
Main seedha bed par baith gaya .
Ye mera kamra tha -- par ye kamra maine saalon se nahi dekha tha.
Deewar par laga calendar meri nazar me aaya.
2019.
Meri saans atak gayi.
"Ye ...ye kaise ho sakta hai ?"
Main bhaga hua sheeshe ke saamne gaya.
Chehra jawan tha.
Aankhon me wo thakaan nahi thi jo mein roj dekhta tha .
"Main...past mein hoon ?"
Mera dil zor- zor se dhadak raha tha ...
Dimag mein yaadein flood ki tarah aa rahi thi.
School, college, office....
Sab kuch jo hone wala tha , mujhe yaad tha.
Ye koi sapna nahi tha .
Ye Doosra mauka tha.
Maa phir se chillayi,
"Jaldi aa warna late ho jaayega !"
Main dheere se muskuraya.
Aaj pehli baar zindagi ne mujhe daraaya nahi...
exicite kiya tha .
Is baar main wahi galtiyan nahi karunga.
Is baar main chup nahi rahunga.
Jo log mujhe neecha dikhate the ...
Ab unhe main dikhane wala tha.
Main school uniform pehente hue sheeshe me khud ko dekha aur bola --
"Is baar ...kahani main likhunga ."